Քանի դեռ Հայաստանի Հանրապետության ժողովուրդը կանգնած է իշխանության մեջքին՝ մենք պինդ ենք բանակցային գործընթացներում․ Ալեն Սիմոնյան
Սիմոնյանը պատասխանելով լրագրողների հարցին, թե ինչ ակնկալիքով է եկել ընտրության, ասաց. «Որ մեր անվտանգության խնդիրը մեր այսօրվա ընտրությամբ կլուծենք»։
ՀՀ ԱԺ նախագահ Ալեն Սիմոնյանը թիվ 9/21 ընտրական տեղամասում քիչ առաջ քվեարկեց Երեւանի ավագանու ընտրություններում։ Սիմոնյանը պատասխանելով լրագրողների հարցին, թե ինչ ակնկալիքով է եկել ընտրության, ասաց. «Որ մեր անվտանգության խնդիրը մեր այսօրվա ընտրությամբ կլուծենք»։
Վերջինս նշեց, որ Հայաստանի Հանրապետության ժողովուրդն է իր կարծիքը հայտնում անվտանգության, ՔՊ 5 տարվա աշխատանքի վերաբերյալ՝ ազատ, անկախ ընտրությունների միջոցով. «Որը նույնպես մեր կողմից է ներդրված Հայաստանի Հանրապետության իրականության մեջ»։ Հարցին՝ եթե իշխող ուժը չհավաքի 50%-ից ավելի ձայն, արդյո՞ք ՀՀ-ն անվտանգային խնդիրներ կունենա, Սիմոնյանը պատասխանեց. «Կարծում եմ շատ դժվար կլինի, պատկերացրեք ավելի դժվար կլինի»։
Նա հավելեց. «Ես վստահում եմ Հայաստանի Հանրապետության ժողովրդին, երեւանցիներին, ես վստահում եմ այն գիտակցությանը, որը որ մեր ժողովուրդը ունի, որովհետեւ վերջին 5 տարիների ընթացքում միլիոնավոր դոլարներ են ծախսվել, սունկի պես աճել են լրատվամիջոցներ եւ դրանց միակ նպատակը եղել է ՀՀ իշխանություններին վարկաբեկելը։ Բայց որքանով տեսնում եք մարզերի ընտրություններից օրինակ՝ դա չի ստացվել ու չի ստացվելու»։
Լրագրողի պնդմանը, թե ՔՊ-ն վարչական ռեսուրսով մարզերից մարդկանց բերում է հանրահավաքների, ԱԺ նախագահն արձագանքեց. «Ձեր ասածը եւ ազատ, անկախ ընտրությունները մեկը մյուսին բացառում են։ Միջազգային հանրությունը, միջազգային դիտորդները, հայաստանյան դիտորդներն արձանագրում են ազատ, անկախ ընտրություններ, ապա ձեր ասածներն ուղղակի մանիպուլյացիաներ են եւ իրավիճակի սեփական պատկերացում է»։
ԱԺ նախագահն ընդգծեց՝ ամեն անգամ Ադրբեջանի կողմից փորձ է կատարվում ոչ միայն զորք կուտակելով, այլ նաեւ հարձակումներով Հայաստանին ինչ-որ բաներ պարտադրել. «Քանի դեռ Հայաստանի Հանրապետության ժողովուրդը կանգնած է իշխանության մեջքին՝ մենք պինդ ենք բանակցային գործընթացների մեջ»։
Աղբյուր՝ araratnews.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
