ՄԱԿ-ը կրճատում է օգնությունն Աֆղանստանին՝ ֆինանսական միջոցների անբավարարության պատճառով
ՄԱԿ-ի Պարենի համաշխարհային ծրագիրը (ՊՀԾ) հայտարարել է ֆինանսավորման աղետալի պակասի մասին. դա կհանգեցնի Աֆղանստանի միլիոնավոր բնակիչների օգնության կրճատմանը:
Այդ մասին տեղեկանում է «Интерфакс» գործակալությունից:
«Այս տարվա սեպտեմբերին Պարենի համաշխարհային ծրագիրը ստիպված կլինի պարենային օգնությունից զրկել Աֆղանստանի ևս երկու միլիոն սովյալների: Հետագայում, ֆինանսավորման հսկայական դեֆիցիտի պատճառով, ՊՀԾ-ն կկարողանա հրատապ օգնություն ցուցաբերել ամսական միայն երեք միլիոն աֆղանստանցու, մինչդեռ կարիքավորների ընդհանուր թիվն այս երկրում մոտենում է տասնհինգ միլիոնի», – ասվում է հայտարարության մեջ։
Նշվում է, որ ֆինանսավորման կրճատումը նշանակում է, որ 1,4 միլիոն հղի կանայք, երիտասարդ մայրեր և նրանց երեխաներ այլևս չեն ստանա հատուկ սնունդ, որը նախատեսված է թերսնումը կանխելու համար:
«Առանց այդ էլ բարձր մակարդակի սովի և թերսնման պայմաններում մենք ստիպված ենք ընտրություն կատարել թերսնվողներին և սովյալներին աջակցելու միջև, որի հետևանքով միլիոնավոր ընտանիքներ ստիպված են ապրուստն ինքնուրույն հայթայթել: Մեզ մոտ մնացած ոչ մեծ ռեսուրսներով մենք ի վիճակի չենք օգնել բոլոր այն մարդկանց, որոնք գտնվում են լիակատար աղքատության շեմին», – հայտարարել է Աֆղանստանում ՄԱԿ-ի ՊՀԾ ներկայացուցիչ Սյաո Վեյ Լին։
Ամբողջ աշխարհում կարիքների կտրուկ աճի կապակցությամբ ՄԱԿ-ի ՊՀԾ-ն կոչ է արել դոնոր երկրների կառավարություններին առաջնահերթություն տալ հումանիտար գործողությունների ֆինանսավորմանը:
Հայտարարությունն արվել է Նյու Յորքում բացվող ՄԱԿ-ի Գլխավոր ասամբլեայի 78-րդ տարեկան նստաշրջանի նախաշեմին։
Աղբյուր՝ 1in.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
