ԱՄՆ սենատը քննարկում է Starlink-ի արբանյակներն անջատելու Մասկի որոշումը, որի արդյունքում կանխվել է ռուսական նավատորմի վրա հարձակումը
ԱՄՆ Սենատը հետաքննություն է սկսել այն պատճառով, որ Space X ընկերության հիմնադիր Իլոն Մասկը 2022 թ․-ին մերժել էր ուկրաինական իշխանությունների խնդրանքը և Ղրիմում չէր ակտիվացրել Starlink արբանյակային կապի ծառայությունը, որը պետք է օգներ հարվածել Ղրիմի ափի մոտ գտնվող ռուսական ռազմանավերին։
«Արմենպրես»-ի փոխանցմամբ՝ այս մասին հաղորդում է Bloomberg գործակալությունը։
Սենատի զինված ծառայությունների հանձնաժողովի նախագահ, սենատոր Ջեք Ռիդը հայտարարել է, որ Starlink-ի օգտագործման մասին զեկույցներն «ազգային անվտանգության պարտավորությունների լուրջ խնդիրներ են բացահայտում, և հանձնաժողովը զբաղվում է այս հարցերով»։
«Հանձնաժողովն ինտենսիվորեն հետաքննում է այս հարցը բոլոր տեսանկյուններից», - Ռիդի խոսքերն է մեջբերում Bloomberg-ը:
Նա նշել է, որ հանձնաժողովը կքննարկի արբանյակային ավելի լայն շուկաները, պետական պայմանագրերը և «Մասկի ու նրա ընկերության հսկայական դերն այս հարցում»:
«Երբ խոսքը վերաբերում է ազգային անվտանգությանը, ո՛չ Մասկը, ո՛չ էլ որևէ այլ մասնավոր քաղաքացի չի կարող վերջին խոսքը ասել», - ասել է Ռիդը:
Օրերս Իլոն Մասկը հայտարարել էր, որ մերժել է Starlink արբանյակային կապի ծառայությունն ակտիվացնելու Ուկրաինայի խնդրանքը հակառուսական պատժամիջոցների պատճառով։
«Ամերիկյան պատժամիջոցները տարածվում են նաև Ղրիմի վրա, և մենք իրավունք չունենք կապը միացնել պատժամիջոցների տակ գտնվող երկրի համար՝ առանց կառավարության հստակ թույլտվության», - բացատրել է Մասկը։
Ըստ միլիարդատիրոջ՝ Ուկրաինայի կառավարությունը խնդրել է կապը միացնել «գիշերվա կեսին», իսկ Մասկը ասել է, որ դա «Փերլ Հարբորի տիպի հարձակում է Սևաստոպոլում ռուսական նավատորմի վրա»։
«Ուկրաինան մեզ խնդրում էր դառնալ պատերազմական խոշոր գործողության մասնակից․․․ Եթե ես ստանայի նախագահի հրահանգը՝ միացնել այն, ապա կանեի դա», - նշել է Մասկը։
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
