Պրահայում մերժել են Աթաթուրքի արձանը տեղադրելու մասին թուրքական դեսպանատան դիմումը
Չեխիայի մայրաքաղաք Պրահայի քաղաքային իշխանությունները մերժել են թուրքական դեսպանատան դիմումը հարակից այգում Թուրքիայի Հանրապետության 100 ամյակի կապակցությամբ Մուստաֆա Քեմալ Աթաթուրքի արձանի տեղադրման վերաբերյալ։
Աթաթուրքը (բառացի՝ «թուրքերի հայր») Թուրքիայի Հանրապետության հիմնադիր նախագահն է։ Պաշտոնավարել է 1923-1938 թվականների ընթացքում։ Նրա գաղափարախոսությունը հայտնի է քեմալիզմ անվամբ։
Պրահայի 6-րդ շրջանի մամուլի խոսնակը չեխական լրատվամիջոցների հետ զրույցում նշել է, որ այդ որոշումը կայացվել է քաղաքի ավագանու անդամների, շրջանային ղեկավարների և Չեխիայի արտգործնախարարության հետ համատեղ քննարկումներից հետո:
Բացի այդ տեղական «Mladá Fronta Dnes» թերթի կայքում հրապարակվել է Պրահայի 6-րդ շրջանի մշակույթի գծով պատասխանատու Ժան Լաջինայի հայտարարությունը:
Լաջինան նշել է, որ հիշյալ որոշումն ընդունելիս հաշվի են առնվել մի շարք չափանիշներ: Մերժման առաջին պատճառ է համարվել արձանի գեղարվեստական որակը և արձանի տեղակայման վայրը, ապա նաև անդրադարձ է եղել 1915-ի Հայոց ցեղասպանութանը:
Պրահայի 6-րդ շրջանի մշակույթի գծով պատասխանատուն հիշեցրել է նաև, որ Չեխիայի Հանրապետությունը 1915-ին հայերի դեմ իրականացված ոճրագործությունը ընդունել և ճանաչել է որպես ցեղասպանություն:
«Մենք պահպանում ենք ժամանակակից և աշխարհիկ Թուրքիայի պետության հիմնադրի հանդեպ պատշաճ հարգանքը, բայց որոշում ենք կայացրել, որ արձանը չենք տեղադրելու Պրահայի 6-րդ շրջանում»,- հավելել է Լաջինան:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
