Թուրքիայում անտառային հրդեհի պատճառով ժամանակավորապես փակել են Դարդանելի նեղուցը, 1000-ից ավելի մարդ տարհանվել է
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Առավոտյան Դարդանելի նեղուցով նավերի երթևեկությունը կրկին ժամանակավորապես դադարեցվել է՝ հրշեջ ավիացիայի կողմից բնական խոշոր հրդեհի մարումն ապահովելու նպատակով։
Ինչպես «Արմենպրես»-ը տեղեկանում է ТАСС գործակալությունից, նեղուցով նավարկությունը դադարեցվել էր նաև օգոստոսի 22-ին ինչպես հրդեհաշիջման աշխատանքների համար, այնպես էլ ծխից տեսանելիության սահմանափակման պատճառով։ Գիշերը նավերի անցումը Մարմարա ծովից դեպի Էգեյան ծով միակողմանիորեն վերսկսվել էր, սակայն լուսադեմին Թուրքիայի տրանսպորտի նախարարության որոշմամբ նեղուցը կրկին փակվել է՝ հրշեջ ուժերի խմբավորումն առավել արդյունավետ օգտագործելու համար։
Հրդեհն ընդգրկել է 1500 հա մակերես։ Կանխարգելիչ նպատակներով տարհանվել են հրդեհի տարածքում գտնվող ինը գյուղերի 1200 բնակիչներ, ինչպես նաև տեղի հիվանդանոցը։
Հրդեհը բռնկվել է օգոստոսի 22-ի կեսօրին և սաստիկ քամու ներգործությամբ ընդգրկել է ընդարձակ տարածք՝ մոտենալով բնակավայրերին։
Օդերևութաբանների կանխատեսումներով՝ օգոստոսի 23-ին Չանաքքալեի նահանգում օդի ջերմաստիճանը կգերազանցի 30 աստիճանը և կուղեկցվի քամով, որի արագությունը կարող է կազմել 30-60 կմ/ժամ։ Դա կարող է նպաստել կրակի տարածմանը և դժվարացնել հրդեհի մարումը:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
