Ջիդդայում հանդիպել են Իրանի ԱԳ նախարարը և Սաուդյան Արաբիայի թագաժառանգը
Սաուդյան Արաբիայի թագաժառանգ Մուհամեդ բին Սալմանը ուրբաթ Ջիդդայում ընդունել է Իրանի արտգործնախարար Հոսեյն Ամիր Աբդոլլահիանին, գրում է Reuters-ը:
Իրանի ԱԳ նախարարը Սաուդյան Արաբիա էր ժամանել օգոստոսի 2-ին։ Սա Իրանի արտաքին քաղաքական գերատեսչության ղեկավարի առաջին այցն է թագավորություն երկու երկրի միջև դիվանագիտական հարաբերությունների վերականգնումից հետո:
Հինգշաբթի Աբդոլլահիանն Էր Ռիադում հանդիպել է իր սաուդցի գործընկեր Ֆեյսալ բեն Ֆարհան ալ Սաուդի հետ: Նախարարների համատեղ մամուլի ասուլիսի ժամանակ Աբդոլլահիանը հայտարարել է, որ Սաուդյան Արաբիայի հետ Իրանի հարաբերությունները «ճիշտ ուղու վրա են»: «Մենք պայմանավորվել ենք անվտանգության, առևտրի, տնտեսության և հետաքրքրություն ներկայացնող այլ հարցերում առկա համաձայնությունների իրականացման հարցում»,- հավելել է իրանցի դիվանագետը:
Իր հերթին արքայազն Ֆեյսալ բեն Ֆարհան ալ Սաուդը նշել է, որ այդ բանակցությունները «նոր էջ են նշանավորում երկկողմ հարաբերություններում, որոնք հիմնված են Սաուդյան Արաբիայի և Իրանի եղբայրության, փոխադարձ հարգանքի ու ընդհանուր շահերի վրա»:
Նմանատիպ Լուրեր
Ստամբուլն աշխարհի ամենահարուստ քաղաքների ցանկում 51-րդն է
Միջազգային «Henley & Partners» խորհրդատվական ընկերությունը հրապարակել է 2023-ին աշխարհի ամենահարուստ քաղաքների ցանկը:
Մեքսիկայում զինված հարձակման հետևանքով առնվազն 12 մարդ է զոհվել
Մեքսիկայի Սալվատիերա քաղաքի հյուրանոցներից մեկի վրա զինված հարձակման հետևանքով առնվազն 12 մարդ է զոհվել, ևս 11-ը` վիրավորվել։ Այս մասին հաղորդում է «Արմենպրես»-ը՝ վկայակոչելով El Universal պարբերականի հրապարակումը։
Մոսկվայում գումարվել է ԱՊՀ կառավարությունների ղեկավարների նիստը. վարչապետ Նիկոլ Փաշինյանը ներկա չէ
Մոսկվայում ընթանում է Անկախ Պետությունների Համագործակցության (ԱՊՀ) կառավարությունների ղեկավարների խորհրդի նիստը։
Գնդակոծվել է Գազայի միակ կաթոլիկ ծուխը, վնասվել է Մայր Թերեզայի քույրերի տունը
Հռոմի Ֆրանցիսկոս Պապը Սուրբ Պետրոսի հրապարակում իր ավանդական կիրակնօրյա քարոզի ժամանակ հայտնել է, թե ինչ է տեղի ունեցել նախօրեին Գազայի միակ լատինական ծխում։ Ըստ Պապի, նախօրեին այն պաշարվել էր իսրայելական զինվորականների կողմից՝ պատրվակով, որ այնտեղ հրթիռների արձակման կայան կա:
Պեկինը, Թեհրանը եւ Էր Ռիադը համատեղ հայտարարություն են արել
Իրանը, Չինաստանը եւ Սաուդյան Արաբիան համատեղ պահանջել են շտապ միջոցներ ձեռնարկել, որպեսզի վերջ դրվի Իսրայելի վայրագություններին պաշարված Գազայի հատվածում եւ ապահովվի կայուն օգնություն պաղեստինցիներին, տեղեկացրել է Mehr-ը։
Նախագահ Վահագն Խաչատուրյանը հանդիպել է Ուրուգվայի նախագահ Լուիս Լակալե Պոուի հետ
Ուրուգվայի Արևելյան Հանրապետության նախագահ Լուիս Լակալե Պոուն իր կեցավայրում հանդիսավոր կերպով ընդունել է պաշտոնական այցով Ուրուգվայում գտնվող նախագահ Վահագն Խաչատուրյանին:
