«Ռուսաստանը պետք է հեռանա և դադարեցնի Վրաստանի տարածքների բռնազավթումը». ԱՄՆ Պետդեպ
Միացյալ Նահանգները Ռուսաստանին կոչ է արել «հեռանալ և դադարեցնել Վրաստանի տարածքների բռնազավթումը»։
«Մենք կշարունակենք հստակ արտահայտել մեր աջակցությունը այս քաղաքականությանը»,- ամենօրյա ճեպազրույցում հայտարարել է Պետդեպարտամենտի պաշտոնական ներկայացուցիչ Մեթյու Միլլերը:
Նույն օրը ավելի վաղ ԱՄՆ պետքարտուղար Էնթոնի Բլինքենը հանդես է եկել հայտարարությամբ, որում հաստատել է Վաշինգտոնի «անփոփոխ աջակցությունը» Վրաստանի ինքնիշխանությանը և տարածքային ամբողջականությանը նրա՝ միջազգայնորեն ճանաչված սահմաններում։
«Հակամարտությունից տուժած բնակչության կյանքը ընդմիշտ փոխվել է Ռուսաստանի գործողությունների հետևանքով։ Խորին հարգանքով և անկեղծ կարեկցանքով մենք հիշում ենք ռուսական զորքերի գործողությունների հետևանքով զոհված, վիրավորված և տեղահանված անձանց»,- ասել է Բլինքենը։
Բլինքենը նաև նշել է, որ ԱՄՆ-ը, ինչպես նախկինում, «լի է վճռականությամբ» պատասխանատվության ենթարկելու Ռուսաստանին 2008 թվականի հրադադարի և զորքերը մինչև հակամարտության սկզբի դիրքեր դուրս բերելու պարտականություններից հրաժարվելու համար:
«Ռուսաստանը նաև պետք է չեղարկի վրացական տարածաշրջանների՝ Աբխազիայի և Հարավային Օսիայի անկախության ճանաչումը։ Այս գործողություններն անհրաժեշտ են, որպեսզի հարյուր հազարավոր ներքին տեղահանված անձինք կարողանան անվտանգ վերադառնալ իրենց տները և ապրել արժանապատիվ»,- հավելել է նա:
Աղբյուր՝ civic.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
