Ադրբեջանի կողմից Լաչինի միջանցքի և Լեռնային Ղարաբաղի ապօրինի շրջափակումը բարդացնում է բանակցային գործընթացը. Արարատ Միրզոյան
Ադրբեջանի կողմից Լաչինի միջանցքի և Լեռնային Ղարաբաղի ապօրինի շրջափակումը բարդացնում է բանակցային գործընթացը:
«Արմենպրես»-ի հաղորդմամբ՝ այս մասին հուլիսի 25-ին նշել է ՀՀ արտաքին գործերի նախարար Արարատ Միրզոյանը՝ Ռուսաստանի արտաքին գործերի նախարար Սերգեյ Լավրովի և Ադրբեջանի արտաքին գործերի նախարար Ջեյհուն Բայրամովի եռակողմ հանդիպմանը, որը տեղի է ունեցել Մոսկվայում:
Միրզոյանը շեշտել է, որ հանդիպումները, բանակցությունները բավականին ինտենսիվ են. որոշ հարցերում կոնկրետ արդյունքներ կան, որոշ հարցերի շուրջ տեսանելի են հեռանկարներ, որտեղ կողմերը կարող են փոխադարձ համաձայնության գալ, սակայն մնում են նաև խնդրահարույց հարցեր, որոնց շուրջ երկու կողմերի դիրքորոշումները շատ հեռու են իրարից:
«Մենք կառուցողական ենք տրամադրված և բանակցություններ ենք վարում բոլոր հարթակներում և բոլոր ուղղություններով: Ավաղ, իրավիճակն աշխարհում, մասնավորապես, Ադրբեջանի կողմից Լաչինի միջանցքի և Լեռնային Ղարաբաղի ապօրինի շրջափակումը բարդացնում են բանակցային գործընթացը»,- շեշտել է ՀՀ ԱԳ նախարարը:
Նա ընդգծել է, որ Լեռնային Ղարաբաղում այժմ լուրջ հումանիտար ճգնաժամ է, և իրավիճակը մոտ է իրական հումանիտար աղետին: «Իրավիճակը ժամ առ ժամ ավելի է լրջանում: Լեռնային Ղարաբաղ չեն մտնում ո՛չ պարեն, ո՛չ դեղամիջոց, կանգնեցված է գազի, էլեկտրաէներգիայի մատակարարումը, և եթե մեզ չհաջողվի լուծում գտնել, և Ադրբեջանը չկանգնեցի Լեռնային Ղարաբաղի շրջափակումը, հումանիտար աղետն իր բացասական ազդեցությունը կունենա ընդհանուր բանակցային գործընթացի վրա: Սակայն կրկնում եմ, որ հայկական կողմը կառուցողական է տրամադրված: Կշարունակենք բանակցությունները»,-եզրափակել է ՀՀ ԱԳ նախարարը:
Սերգեյ Լավրովն էլ ընդգծել է, որ Ռուսաստանը հետաքրքրված է Հարավային Կովկասում խաղաղությամբ և կայունությամբ:
«Մեր ջանքերն ուղղված են իրավիճակի կայունացմանը ինչպես հայ-ադրբեջանական սահմանին, այնպես էլ հումանիտար խնդիրների լուծմանը, տնտեսական և տրանսպորտային կապերի ապաշրջափակմանը, մարդկանց միջև, քաղաքացիական հասարակությունների, փորձագետ-քաղաքագետների ուղղությամբ հաղորդակցման զարգացմանը »,- նշել է նա:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
