Նիկոլ Փաշինյանը հայտնեց՝ պատրաստ է արդյոք հնարավորություն տալ Վարդան Օսկանյանին
«Գիտեք, Հայաստանի բոլոր արտաքին գործերի նախկին նախարարներն էլ կարող են նման հայտարարություն անել, բայց եթե պետք է բեկում մտցնել, կարծում եմ, պարոն Օսկանյանն իր պաշտոնավարման ընթացքում կարող էր այդ բեկումը մտցնել և մեզ տեսանելի դարձնել»:
Այս մասին այսօր հրավիրած ասուլիսի ժամանակ ասաց ՀՀ վարչապետ Նիկոլ Փաշինյանը՝ պատասխանելով հարցին՝ մի քանի անգամ ՀՀ նախկին արտգործնախարար Վարդան Օսկանյանը դիմել է իրեն՝ հայցելով, որ հնարավորություն տա բեկում մտցնել Ադրբեջանի հետ բանակցություններում, արդյոք պատրա՞ստ է գնալ նման քայլի՝ ի շահ ԼՂ-ի:
Վարչապետը նաև նկատեց՝ քննիչ հանձնաժողովում իր ունեցած մի քանի ժամ տևած ելույթում մանրամասն նկարագրել է, այդ թվում՝ գնահատականներ տվել Վարդան Օսկանյանի պաշտոնավարման շրջանում ՀՀ-ի վարած քաղաքականությանը և բանակցային գործընթացին, մասնավորապես՝ «Մադրիդյան սկզբունքներին», և իր գնահատականները չեն փոխվել:
«Ես ընդհանրապես բոլոր հայտարարություններին ուշադիր հետևում եմ, բայց դրանցում որևէ օգտակար բան չեմ տեսնում: Վարդան Օսկանյանը հայտարարում է՝ պետք է շեշտել, որ ԼՂ-ն Խորհրդային միության ժամանակ ունեցել է ինքնավար մարզի կարգավիճակ: Մինչև այդ հայտարարությունը նույն Եվրամիության խորհրդի նախագահի հայտարարություններում արձանագրվել է ԼՂ-ի նախկին ԼՂ ինքնավար մարզի եզրույթը, վերջին հանդիպման ժամանակ ևս դա արձանագրվել է»,- հավելեց Կառավարության ղեկավարը:
Աղբյուր՝ armtimes.com
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
