Թուրքիան ցանկանում է ընդլայնել իր գեոպոլիտիկ ազդեցությունը Կենտրոնական Ասիայում, այդ թվում ռազմա-քաղաքական ներկայություն ունենալ Աֆղանստանում: Ամերիկյան զորքերը դուրս են բերվում Աֆղանստանից և Անկարան ցանկանում է ապահովել Քաբուլի օդանավակայանի անվտանգությունը: Քաբուլի օդանավակայանը կարևոր դեր է խաղում Աֆղանստանի կյանքում Թալիբան շարժումը չի ցանկանա, որպեսզի թուրքերը հսկողություն սահմանեն ռազմավարական կարևորություն ունեցող այդ կառույցի նկատմամբ:

Անկարան Աֆղանստանի նկատմամբ իր քաղաքականությունը մշակելիս հենվում է կրոնական ընդհանրությունների վրա սունիական Թուրքիան պանիսլամական դրոշի ներքո փորձում է ուժեղացնել իր ներկայությունը սունիական Աֆղանստանում: Բացի այդ, Աֆղանստում բնակվում են ուզբեկները, որոնք թյուրքական ժողովուրդ են: Պանթուրքական և պանիսլամական ռազմավարությունների վրա հենվելով՝ Անկարան ցանկանում է մաս կազմել Աֆղանստանում տեղի ունեցող գեոպոլիտիկ ակտիվ զարգացումներին: Աֆղանստանի հյուսիսային շրջանները ժամանակին անվանում էին նաև Աֆղանական Թուրքեստան ուզբեկների մեծամասնությունը բնակվում է հենց այդ շրջաններում: Թյուրքախոս Կենտրոնական Ասիայում Թուրքիան մրցակցում է ՌԴ-ի և Չինաստանի հետ: Կենտրոնական Ասիայի մի շարք երկրներ ՀԱՊԿ-ի և ԵԱՏՄ-ի անդամ են, այնտեղ տեղակայված են ռուսական զորքեր, իսկ Չինաստանը՝ Կենտրոնական Ասիայի խոշորագույն տնտեսական գործընկերն է և ներդրողը Պեկինը նավթ և գազ է ներկրում Կենտրոնական Ասիայից:

Մեծ Կենտրոնական Ասիան շարունակելու է գտնվել գերտերությունների շահերի բախման կիզակետում: Թուրքիան անմասն չի մնալու այդ կարևոր տարածաշրջանում ռազմաքաղաքական և տնտեսական զարգացումներից:

Վերլուծությունը ՝ Արտյոմ Բալասանովի