Հայաստան. «Միջազգային հանրությունը պետք է միջոցներ ձեռնարկի Լեռնային Ղարաբաղի պաշարումը դադարեցնելու համար»
Հայաստանի Հանրապետության վարչապետ Նիկոլ Փաշինյանը «Monde»-ի սյունակում կարծիք է հայտնել, որ Ադրբեջանի կողմից շրջափակված այնտեղ ապրող մարդկանց իրավունքներն ու անվտանգությունը պետք է առաջնահերթություն լինեն տարածաշրջանում կայուն խաղաղություն հաստատելու նպատակով։
Հուլիսի 15-ին ես հանդիպել եմ Եվրոպական խորհրդի նախագահ Շառլ Միշելի և Ադրբեջանի նախագահ Իլհամ Ալիևի հետ։ Ադրբեջանի նախագահի հետ այս հանդիպումը վերջինն է եղել այն շարքից, որը տեղի է ունեցել վերջին չորս ամիսների ընթացքում՝ տարբեր ձևաչափով և տարբեր մայրաքաղաքներում։ Հայաստանն իր գործողություններով ապացուցել է, որ իրապես առկա է կամքը Հայաստանի կառավարության և ժողովրդի մոտ՝ տարածաշրջանում կայուն խաղաղություն հաստատելու համար։
Մենք իրապես համոզված ենք, որ Հարավային Կովկասում կայուն խաղաղությունը կարող է միջազգային մակարդակով զգալի դրական ազդեցություն գործել: Վերջին տարիներին Հայաստանը դարձել է կայուն ժողովրդավարական երկիր բավական բարդ տարածաշրջանում։ Աշխարհագրական առումով մենք ռազմավարական խաչմերուկ ենք։
Եթե մեզ հաջողվի զարգացնել խաղաղության գործընթացը, հարևան պետությունների հետ կարգավորել հարաբերությունները մեր և ստեղծել ուժեղ տրանսպորտային և էներգետիկ ենթակառուցվածքներ, ապա վստահաբար տեղական բարգավաճումը կավելանա, Ասիայի և Եվրոպայի միջև կապերը կամրապնդվեն, իսկ համաշխարհային առևտուրը և միջազգային կայունությունը մեծապես կզարգանան:
Իրավիճակի վատթարացում
Թեև խաղաղության համաձայնագրի եզրագծերը ի հայտ են գալիս, սակայն դրա իրականացման համար դեռևս էական խոչընդոտներ կան։ Այդ խոչընդոտները, որոնք պահպանվել են արդեն մեկ տասնամյակ, հնարավոր է հաղթահարել միայն գործընկերների աջակցությամբ, ովքեր իրապես հավատացած են Հարավային Կովկասում խաղաղության հարցում:
Ներկայումս խաղաղության հիմնական խոչընդոտը Ադրբեջանի կողմից ագրեսիվ և անօրինական գործողություններն են Լեռնային Ղարաբաղի նկատմամբ, հատկապես Լաչինի միջանցքում, ինչպես նաև Հայաստանի սահմաններում։ Լաչինի միջանցքը Լեռնային Ղարաբաղի հայերին արտաքին աշխարհի հետ կապող միակ ճանապարհն է։
2022 թվականի դեկտեմբերից մուտքը դեպի այդ միջանցք խստորեն սահմանափակվել է Ադրբեջանի կողմից՝ պատճառաբանություն բերելով բնապահպանական մտահոգությունները։ Այսօր Բաքուն մեկ աստիճան բարձրացել է՝ միջանցքի մուտքի մոտ սահմանային անցակետ տեղադրելով, անգամ Կարմիր Խաչի միջազգային կոմիտեի մուտքը թույլ չտալով։ Սննդամթերքի, դեղորայքի և առաջին անհրաժեշտության ապրանքների մատակարարումը լրջորեն խաթարված է։
Աղբյուր՝ armtimes.com
Վերադարձնել կյանքը Լեռնային Ղարաբաղի բնակիչներին:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
