Հայ մարզիկները մեդալներով են վերադարձել Հատուկ օլիմպիադաների աշխարհի ամառային խաղերից
ՀՀ կրթության, գիտության, մշակույթի և սպորտի նախարարության աջակցությամբ Հայաստանի թիմը մասնակցել է Գերմանիայի մայրաքաղաք Բեռլինում կայացած Հատուկ օլիմպիադաների աշխարհի ամառային խաղերին և վերադարձել 1 ոսկե և 1 արծաթե մեդալներով:
Այսօր ԿԳՄՍ նախարարի տեղակալ Կարեն Գիլոյանն ընդունել է Հայաստանի պատվիրակությանը՝ «Հայկական հատուկ օլիմպիադաներ» ՀԿ-ի տնօրեն Արտակ Ստեփանյանի գլխավորությամբ:
«Ուրախ եմ, որ կարողացել եք պատշաճ ներկայացնել մեր երկիրը և վերադառնալ մեդալներով: Պետությունն ամեն ինչ անելու է, որպեսզի լավ պայմաններ ստեղծվեն ձեզ համար, և մյուս խաղերին ավելի մեծ թիմով ավելի մեծ արդյունքներ գրանցեք»,- ասել է Կարեն Գիլոյանը՝ ողջունելով ներկաներին:
«Հայկական հատուկ օլիմպիադաներ» ՀԿ-ի տնօրեն Արտակ Ստեփանյանը շնորհակալություն է հայտնել ընդունելության համար և նշել՝ թե՛ պետական աջակցությունը, թե՛ հանդիպումների միջոցով խրախուսանքը երեխաների համար կարևոր իրադարձություն են և շատ են ոգևորում նրանց:
Հատուկ օլիմպիադաների աշխարհի ամառային խաղերին մասնակցել է 174 պատվիրակություն՝ 7000 մասնակցով: Հայ մարզիկները մասնակցել են երկու մարզաձևերով՝ աթլետիկա և լող։ Հանդիպմանը մարզիկներն իրենք են ներկայացրել իրենց գրանցած արդյունքները: Աննա Դավթյանը աթլետիկա մարզաձևի հեռացատկ վարժությունում նվաճել է ոսկե մեդալ, իսկ Ռոբերտ Պետրոսյանը լող մարզաձևում՝ արծաթե մեդալ:
Գրանցած ընդհանուր արդյունքներն են.
Աթլետիկա մարզաձևից՝
- Աննա Դավթյան, հեռացատկ՝ 1-ին հորիզոնական,
- Գևորգ Մանուկյան, հեռացատկ՝ 7-րդ հորիզոնական,
- Աննա Դավթյան, վազք 100 մ՝ 7-րդ հորիզոնական,
- Գևորգ Մանուկյան, վազք 100 մ՝ 6-րդ հորիզոնական:
Լող մարզաձևից՝
- Ռոբերտ Պետրոսյան, 50 մ ազատ ոճ՝ 2-րդ հորիզոնական,
- Տիգրան Գևորգյան, 25 մ ազատ ոճ՝ 4-րդ հորիզոնական:
Նմանատիպ Լուրեր
ՈՒԵՖԱ Ֆուտզալի Չեմպիոնների Լիգայի եզրափակիչը՝ Երևանում
Հայաստանի ֆուտբոլի ֆեդերացիայի հայտը հաղթող է ճանաչվել Հունաստանի, Լիտվայի, Լեհաստանի, Իսպանիայի և Շվեյցարիայի ֆուտբոլի ֆեդերացիաների հետ մրցակցությունում:
Վահան Բիչախչյանը կարող է հեռանալ «Պոգոնից»
Հայաստանի հավաքականի կիսապաշտպան Վահան Բիչախչյանն այս ձմռանը, ամենայն հավանականությամբ, կհեռանա լեհական «Պոգոնից»։
ՈՒԵՖԱ Ֆուտզալի Չեմպիոնների Լիգայի եզրափակիչը կանցկացվի Երևանում
ՈՒԵՖԱ-ի Գործադիր կոմիտեի որոշմամբ Հայաստանի ֆուտբոլի ֆեդերացիան կհյուրընկալի ՈՒԵՖԱ Ֆուտզալի Չեմպիոնների Լիգայի 2024 թվականի եզրափակիչը:
Հրաձգության Հայաստանի երիտասարդական առաջնության հաղթողներն ու մեդալակիրները
Անցկացվել է հրաձգության Հայաստանի երիտասրդների առաջնությունը։ Մասնակցել են Երևանի հրաձգության մանկապատանեկան մարզադպրոցի, Գյումրու եւ Վանաձորի թիմերը, հաղորդում է ՀՀՖ-ի մամուլի ծառայությունը։
Ֆուտզալի Հայաստանի հավաքականը հաղթել է վրացիներին․ ԱԱ
Ֆուտզալի Հայաստանի հավաքականն առաջին հաղթանակը տարավ աշխարհի առաջնության որակավորման փուլի էլիտ ռաունդում` ընդհատելով 4 պարտությունից բաղկացած շարքը։
Հրանտ-Լեոն Ռանոսը խաղաժամանակ է ստացել «Բորուսիայում»
Հրանտ-Լեոն Ռանոսը խաղաժամանակ է ստացել «Բորուսիայում»:
