Իսրայելի վարչապետը 14 տարի անց կայցելի Թուրքիա
Իսրայելի վարչապետ Բենյամին Նեթանյահուն և Պաղեստինի նախագահ Մահմուդ Աբասը հաջորդ շաբաթ կայցելեն Թուրքիա։
Այս մասին հայտնել են Թուրքիայի նախագահի աշխատակազմի հետ կապերի վարչությունից։
Ըստ տեղեկությունների՝ Պաղեստինի նախագահը հուլիսի 25-ին կայցելի Թուրքիա։ Երեք օր անց՝ հուլիսի 28-ին, Իսրայելի վարչապետ Բենյամին Նեթանյահուն կայցելի Թուրքիա։ Երկու երկրների ղեկավարները Թուրքիա կժամանեն Թուրքիայի նախագահ Ռեջեփ Թայիփ Էրդողանի հրավերով։
Պաղեստինի նախագահի այցի ընթացքում երկու երկրների ղեկավարները կքննարկեն պաղեստինա-թուրքական հարաբերությունները, Իսրայելի ու Պաղեստինի հակամարտությունը, միջազգային ու տարածաշրջանային օրակարգի այլ հարցեր։
«Թուրքիայի և Իսրայելի ղեկավարները կքննարկեն նաև երկրների միջև երկկողմ հարաբերությունները, ինչպես նաև համագործակցության զարգացման համար անհրաժեշտ քայլերը: Տեղի կունենա մտքերի փոխանակում արդի տարածաշրջանային և միջազգային հարցերի շուրջ»,- ասվում է հաղորդագրության մեջ:
Վերջին անգամ Նեթանյահուն Թուրքիա է այցելել 2009-ին՝ Գազա ուղևորվող մարդասիրական օգնության նավատորմի վրա կատարված ռազմական հարձակումից առաջ, ինչի հետևանքով 2010-ին 9 թուրք զոհվեց: Միջադեպից հետո երկու երկրները խզել են դիվանագիտական հարաբերությունները։
Աղբյուր՝ armtimes.com
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
