ԵՄ ԱԳ նախարարները Բրյուսելում կքննարկեն հայ-ադրբեջանական կարգավորման հարցը
Բրյուսելում այսօր՝ հուլիսի 20-ին կայանալիք հանդիպման ժամանակ ԵՄ ԱԳ նախարարները կքննարկեն Ուկրաինային ռազմական օգնությունն ու անվտանգության երաշխիքները, Թուրքիայի և Չինաստանի հետ հարաբերությունները, ինչպես նաև հայ-ադրբեջանական կարգավորման հարցը։ Այս մասին հայտնում է «ՌԻԱ նովոստին»՝ վկայակոչելով եվրոպական բարձրաստիճան աղբյուրին։
Ուկրաինայի հակամարտությունը, անվտանգության երաշխիքներն ու ռազմական օգնությունը Կիևին, ինչպես նաև ԵՄ հարաբերությունները Թուրքիայի և Չինաստանի հետ կլինեն ԵՄ ԱԳ նախարարների հանդիպման կենտրոնական թեմաները, որը տեղի կունենա հինգշաբթի Բրյուսելում։
«ԱԳ նախարարների խորհրդի նիստը կսկսվի աշխատանքային նախաճաշով՝ ՄԱԿ-ի մարդու իրավունքների ներկայացուցչի մասնակցությամբ: Այնուհետև կսկսվի ԱԳ նախարարների խորհրդի գլխավոր նիստը, որը նվիրված կլինի երեք թեմայի՝ Ուկրաինայի հակամարտություն, տնտեսական անվտանգության արտաքին քաղաքական ասպեկտ և Թուրքիայի հետ հարաբերություններ», - ասել է աղբյուրը:
Նա նաև նշել է, որ կեսօրին ԵՄ ԱԳ նախարարները մեկուկես ժամ առցանց քննարկում կանցկացնեն ԱՄՆ պետքարտուղար Էնթոնի Բլինքենի հետ՝ հարցերի լայն շրջանակի շուրջ։ Նշվում է, որ Բլինքենի հետ քննարկումների հստակ օրակարգ չկա, սակայն պարզ է, որ Ուկրաինայի հակամարտության և Չինաստանի հետ հարաբերությունների շուրջ քննարկումները կշարունակվեն, հավելել է նա։
Նա չի բացառել, որ այս զրույցի ընթացքում կարող է արծարծվել նաև Թուրքիայի կողմից ՆԱՏՕ-ին Շվեդիայի անդամակցության վավերացման հարցը և Վիլնյուսում կայացած Հյուսիսատլանտյան դաշինքի հուլիսյան գագաթնաժողովի արդյունքներին հաջորդած որոշումները։
Հանդիպման ավարտին նախարարները նախատեսում են քննարկել ընթացիկ հարցեր, այդ թվում՝ Չինաստանը, Լատինական Ամերիկայի և Կարիբյան ավազանի երկրների հետ հուլիսի 17-18-ին կայանալիք գագաթնաժողովի արդյունքները, Հայաստանի և Ադրբեջանի, ինչպես նաև Թունիսի հարաբերությունների կարգավորումը։
Տնտեսական անվտանգության քննարկման ժամանակ նախարարները քննարկում կանցկացնեն երրորդ երկրներից կախվածությունը նվազեցնելու մասին, որոնք «առեւտուրն ու տնտեսությունը որպես զենք օգտագործելու ներուժ ունեն»։
Աղբյուրը նշում է, որ ԱԳ նախարարները Թուրքիայի հարցը քննարկելիս մտադիր են անդրադառնալ թուրքական ընտրությունների արդյունքներին։
«Սա ընդհանուր առմամբ լավ առիթ է քննարկելու մեր երկկողմ հարաբերություններում ստեղծված իրավիճակը այս երկրի հետ, որը նույնպես ԵՄ-ի թեկնածու է»,- ասել է նա։
Պատասխանելով լրագրողների հարցին, թե արդյոք նախարարները կանդրադառնան Թուրքիայի ԵՄ անդամակցությանը, աղբյուրը նշել է, որ «հարաբերությունների և իրավիճակի վերաբերյալ համապատասխան զեկույցը, որը նախապես խնդրել էր Եվրոպական խորհուրդը, պատրաստ կլինի մինչև հոկտեմբեր»։
Աղբյուրն ընդգծել է, որ ԵՄ երկրների ԱԳ նախարարները Չինաստանի հարցը քննարկելիս ցանկանում են շոշափել եվրոպական տնտեսական անվտանգությանը վերաբերող հարցեր, ինչպես նաև Պեկինի հետ «ներդաշնակ» հարաբերություններ կառուցել։
ԵՄ ԱԳ նախարարների հանդիպումը Բրյուսելում կսկսվի տեղական ժամանակով ժամը 10.00-ին (Երեւանի ժամանակով 12.00-ին), եվրոպական դիվանագիտության Խոսեպ Բորելի ամփոփիչ ասուլիսը սպասվում է Երեւանի ժամանակով 19։00-ից հետո։
Աղբյուր՝ araratnews.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
