«Իհարկե, սա այն արդյունքը չէ, ինչը որ ուզում ենք տեսնել, բայց առայժմ այն գոհացնում է: Երկրորդ կեսում մեր փոխարինումները ստիպված էինք կատարել: Դրանք տակտիկական որոշումներ չէին: Ինչպես նախապես ասել էի, մեզ մոտ կազմավորման գործընթացը դեռևս եզրափակված չէ: Բայց մեր հնարավությունները դեռևս 50-50 են: Այս պահին մենք արեցինք մեր առավելագույնը»,-«Արմենպրես»-ի հաղորդմամբ` հետխաղյա մամուլի ասուլիս ժամանակ ասաց Մինասյանը:

Մասնագետի խոսքով` պատասխան խաղից առաջ թիմում փոփոխություններ կլինեն, կփոխվի տակտիկական սխեման: 

«Ֆուտբոլիստներից դժգոհ չեմ: Իսկ ինչ եղավ խաղավարտին մոտ, պարզապես մի դրվագ էր և ֆուտբոլում լինում է»,-ասաց նա:

Ֆուտբոլի Կոնֆերենցիաների լիգայի որակավորման առաջին փուլում «Արարատ-Արմենիա»-ն հյուրընկալել էր ալբանական «Էգնատիա»-ին: Խաղն ավարտվել է ոչ-ոքի` 1:1 հաշվով: Թիմերի պատասխան հանդիպումը կկայանա մեկ շաբաթ անց: