Միջազգային գործընկերների կողմից հստակ գործողություններ են անհրաժեշտ, և նրանք այդ ընկալումն ունեն. Խանդանյանը՝ ԼՂ իրավիճակի մասին
Ադրբեջանական շրջափակման հետևանքով Լեռնային Ղարաբաղում ստեղծված հումանիտար լրջագույն խնդրի առնչությամբ հստակ գործողություններ են անհրաժեշտ միջազգային գործընկերների կողմից, և նրանք ունեն այդ ընկալումը:
«Արմենպրես»-ի հաղորդմամբ՝ այս մասին ասուլիսում ասաց Հայաստանի ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանն՝ անդրադառնալով ԼՂ-ում ստեղծված իրավիճակին:
«Լեռնային Ղարաբաղում հումանիտար իրավիճակն օր օրի ավելի սարսափելի է դառնում: Այս մասին մենք անդադար խոսում ենք մեր բոլոր խորհրդարանական շփումներում: Վերջին օրերին ես նաև ԱԺ նախագահի պատվիրակության կազմում Ֆրանսիայում էի, և մենք Ֆրանսիայի մեր գործընկերների հետ շատ մանրամասն քննարկել ենք այդ հարցերը: Հստակ գործողություններ են անհրաժեշտ մեր միջազգային գործընկերների կողմից, և կա այս ընկալումը մեր միջազգային գործընկերների մոտ»,-ասաց Խանդանյանը:
Նա վստահեցրեց, որ Հայաստանի իշխանությունների դիրքորոշումն անփոփոխ է ԼՂ հայերի իրավունքների և անվտանգության պաշտպանության հարցում: Պատգամավորն ընդգծեց Ստեփանակերտի և Բաքվի միջև երկխոսության անհրաժեշտության մասին, որի շրջանակում էլ պետք է քննարկվեն անվտանգության և իրավունքների հարցերը, որոնք պետք է ունենան միջազգային տեսանելիություն:
Խանդանյանը շեշտեց՝ նոյեմբերի 9-ի հայտարարության դրույթները պետք է պահպանվեն: Դրան միացել է նաև ՄԱԿ-ի արդարադատության միջազգային դատարանի որոշումը, որը վերահաստատվեց վերջերս կայացված նոր որոշմամբ:
«Մեր դերը դիվանագիտության, նաև խորհրդարանական դիվանագիտության շնորհիվ այս հարցերը բարձրաձայնելն է, փորձել Ադրբեջանի վրա ճնշումը մեծացնելը և մի շարք հարթակներում որոշումների հասնել՝ այդ թվում ՄԱԿ-ի ԱԽ-ում, որոնք կենթադրեն նաև գործողություններ, օրինակ՝ միջազգային ավելի լայն ներկայություն ԼՂ-ում, որն ավելի հստակ և երաշխավորված կպաշտպանի ԼՂ հայերի իրավունքները»,-ընդգծեց հանձնաժողովի նախագահը:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
