Պոլսահայ ակտիվիստ. «Արարատը մի օր կվերածվի խաղաղության պատուհանի»
Պոլսահայ ակտիվիստ, հրապարակախոս Մուրադ Մըխճըն թուրքական ընդդիմադիր լրատվամիջոց «Artigercek»-ի կայքում «Խաղաղության պատուհան Արարատը» վերնագրով ակնարկ է հրապարակել, որտեղ որոշ մանրամասներ է հայտնել Հայաստան կատարած իր այցից:
Մըխճըն նախ խոսել է, թե ինչու ավելի վաղ չէր այցելել Հայաստան և որպես պատճառ նշել այն, որ Հայաստանը կարող էր լինել ոչ համարժեք իր սպասումներին և դրա համար էլ քանիցս հրաժարվել էր այդ մտքից:
Ապա նաև շնորհակալություն հայտնել իր ընկերոջը Հայաստան այցելելը ինչ-որ չափով իրեն պարտադրելու համար:
Անդրադառնալով Հայաստանի և Թուրքիայի միջև սկսված հարաբերությունների կարգավորման գործընթացին՝ Մըխճըն մեջբերում է Երևանում իր մասնակցած պանելային քննարկումից մի հատված:
Հայաստան-Թուրքիա հարաբերությունների կարգավորման վերաբերյալ հարց է հնչել, որին Մըխճըն պատասխանել է հետևյալ կերպ.
«Այս պահին մթնոլորտը շատ վատն է, սակայն մտածում եմ, որ երկու երկրներն էլ խաղաղության կարիք շատ ունեն։ Որպեսզի հնարավոր լինի ապահովել այդ խաղաղությունը, նախ ժողովուրդները պիտի միմյանց ճանաչեն։ Հայաստանցիները Թուրքիան չեն ճանաչում, նույն կերպ Թուրքիայի ժողովուրդները հայաստանցիներին չեն ճանաչում։ Ավելին, մեծապես կարծում եմ, որ հայաստանցիները Թուրքիայի հայերին անգամ չեն ճանաչում։ Խաղաղության համար շատ բան չի արվել»:
Հոդվածի հեղինակի կարծիքով՝ խաղաղության հասնելու միակ ճանապարհը դա ժողովուրդների միջև լինելիք երկխոսությունն է:
Մըխչըն պատմում է մի դեպք, որից էլ ծագել է իր հոդվածի վերնագիրը:
Դեպքը նկարագրվում է Հայաստանի Արարատի մարզում գտնվող Խոր Վիրապի վանքում, որտեղից Մըխճըն, նկատելով Արարատ լեռը և դրան մոտ գտնվող մի մզկիթ, սկսել է ընկերոջ հետ թուրքերեն խոսել:
Զուգահեռաբար մի կին, ով ըստ հեղինակի՝ Նախիջևանից Հայաստան գաղթած կին է եղել, լսելով նրանց զրույցը, թուրքերեն նախադասությամբ մեջբերում է արել:
«Այնտեղ գտնվող մզկիթը ձեր կողմում է: Ձեր կողմը մեր կողմն է: Չեմ կարողանում հասկանալ, թե դա որ կողմն է»:
Կնոջ խոսքերից հետո հեղինակը հուզվում է և պահն անմահացնելու համար նկարվում կնոջ հետ:
Ապա, վերլուծելով տեղի ունեցածը, հույս հայտնում, որ անպայման մի օր պատերազմն ավարտվելու է, իսկ Արարատը վերածվելու է խաղաղության պատուհանի:
Նշենք, որ Թուրքիայում բնակվող հայ ակտիվիստը Հայաստանում գտնվել է 9 օր:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
