Պաշտոնական Երևանը հաստատում է՝ Սուդանում երկու հայ կին սովամահ է եղել
ՀՀ արտգործնախարարությունն, ի պատասխան «Ազատություն» ռադիոկայանի հարցման, հաստատում է՝ հունիսի 10-ին Սուդանի մայրաքաղաք Խարթումում հայտնաբերվել է 2 հայ կնոջ դիակ, որոնք, ենթադրաբար, հունիսի առաջին օրերին սովամահ են եղել։
«Խարթումում իրավիճակի վատթարանալուց առաջ՝ քաղաքից դուրս գալու օրերին, երկու հայ քույրերին (քույրերից մեկի անունը Զվարթ Եկավյան է) նույնպես առաջարկվել է լքել քաղաքը, սակայն տարեց քույրը տեղաշարժվելու խնդիր է ունեցել, իսկ կրտսեր քույրը (61 տարեկան) չի ցանկացել դուրս գալ մայրաքաղաքից և մնացել է ավագին խնամելու»,- պարզաբանում է Հայաստանի ԱԳՆ-ն՝ վկայակոչելով Սուդանի հայ համայնքի անդամներին։
Հայաստանի դիվանագիտական գերատեսչության տեղեկություններով՝ որոշ ժամանակ սուդանցի բնակիչները օգնել են հայազգի քույրերին սնունդ հայթայթելու հարցում, սակայն հետագայում «խնդիրները բարդացել են, և քույրերը օրեր շարունակ առանց սնունդ են մնացել»։
Սուդանում ռազմական դրությունը կտրուկ սրվել է ապրիլի կեսերին․ երկրի կանոնավոր բանակի և արագ արձագանքման ուժերի միջև ներքին տարաձայնությունների պատճառով զինված բախումների զոհ է դարձել ավելի քան 3 հազար մարդ, առնվազն 6 հազարը՝ վիրավորվել։ Ավելի քան երկու ամիս շարունակվող արյունահեղությունը կանխելու միջազգային միջնորդների ջանքերը մինչ օրս արդյունք չեն տվել, հրադադարի շուրջ պայմանավորվածությունները որպես կանոն խախտվում են։
Տասնյակ հազարավոր բնակիչներ ստիպված լքել են իրենց տները, տասնյակ երկրներ հակամարտության առաջին օրերին տարհանել են իրենց քաղաքացիներին։
Սուդանի զինված բախումների առաջին օրերին «Ազատությունը» կապ էր հաստատել Խարթումում գործող հայկական եկեղեցու հոգևոր սպասավոր Գերաշնորհ Տեր Աշոտ եպիսկոպոս Մնացականյանի հետ, որը հավաստիացրել էր, որ եկեղեցին մշտական կապի մեջ է սուդանահայերի հետ, և անհրաժեշտության դեպքում կկազմակերպվի նրանց տարհանումը։
«Անշուշտ, որևէ պարագային եթե հարց լինի տարհանումի, պիտի համապատասխան միջոցները ձեռնարկենք օգնության հասնելու կամ օգնության ձեռք մեկնելու տիրող պայմաններին ընդառաջ՝ կարելիության սահմաններում»,- հավաստիացրել էր եպիսկոպոս Մնացականյանը՝ շեշտելով, որ այդ հարցով մշտապես կապի մեջ են Հայաստանի կառավարության հետ:
Սուդանում, ըստ ՀՀ ԱԳՆ-ի, մոտ երկու տասնյակ հայ է ապրում։ Ներկայում, գերատեսչության փոխանցմամբ, 10-12 հոգի դեռ հյուսիս-արևելյան աֆրիկյան այդ երկրում է։ Պաշտոնական Երևանը հայտնում է, որ պատերազմի բռնկումից հետո Եգիպտոսում ՀՀ դեսպանատան աջակցությամբ տարհանվել է 8 ՀՀ քաղաքացի։
Աղբյուր՝ azatutyun.am
Հայաստանի դիվանագիտական գերատեսչության տեղեկություններով՝ որոշ ժամանակ սուդանցի բնակիչները օգնել են հայազգի քույրերին սնունդ հայթայթելու հարցում, սակայն հետագայում «խնդիրները բարդացել են, և քույրերը օրեր շարունակ առանց սնունդ են մնացել»։
Սուդանում ռազմական դրությունը կտրուկ սրվել է ապրիլի կեսերին․ երկրի կանոնավոր բանակի և արագ արձագանքման ուժերի միջև ներքին տարաձայնությունների պատճառով զինված բախումների զոհ է դարձել ավելի քան 3 հազար մարդ, առնվազն 6 հազարը՝ վիրավորվել։ Ավելի քան երկու ամիս շարունակվող արյունահեղությունը կանխելու միջազգային միջնորդների ջանքերը մինչ օրս արդյունք չեն տվել, հրադադարի շուրջ պայմանավորվածությունները որպես կանոն խախտվում են։
Տասնյակ հազարավոր բնակիչներ ստիպված լքել են իրենց տները, տասնյակ երկրներ հակամարտության առաջին օրերին տարհանել են իրենց քաղաքացիներին։
Սուդանի զինված բախումների առաջին օրերին «Ազատությունը» կապ էր հաստատել Խարթումում գործող հայկական եկեղեցու հոգևոր սպասավոր Գերաշնորհ Տեր Աշոտ եպիսկոպոս Մնացականյանի հետ, որը հավաստիացրել էր, որ եկեղեցին մշտական կապի մեջ է սուդանահայերի հետ, և անհրաժեշտության դեպքում կկազմակերպվի նրանց տարհանումը։
«Անշուշտ, որևէ պարագային եթե հարց լինի տարհանումի, պիտի համապատասխան միջոցները ձեռնարկենք օգնության հասնելու կամ օգնության ձեռք մեկնելու տիրող պայմաններին ընդառաջ՝ կարելիության սահմաններում»,- հավաստիացրել էր եպիսկոպոս Մնացականյանը՝ շեշտելով, որ այդ հարցով մշտապես կապի մեջ են Հայաստանի կառավարության հետ:
Սուդանում, ըստ ՀՀ ԱԳՆ-ի, մոտ երկու տասնյակ հայ է ապրում։ Ներկայում, գերատեսչության փոխանցմամբ, 10-12 հոգի դեռ հյուսիս-արևելյան աֆրիկյան այդ երկրում է։ Պաշտոնական Երևանը հայտնում է, որ պատերազմի բռնկումից հետո Եգիպտոսում ՀՀ դեսպանատան աջակցությամբ տարհանվել է 8 ՀՀ քաղաքացի։
Աղբյուր՝ azatutyun.am
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
