4 հայ ըմբիշներ Ստեփան Սարգսյանի մրցաշարի եզրափակչում են
Երևանում շարունակվում է Եվրոպայի չեմպիոն, աշխարհի եռակի գավաթակիր, Օլիմպիական խաղերի փոխչեմպիոն, ԽՍՀՄ սպորտի վարպետ, ազատ ոճի ըմբիշ Ստեփան Սարգսյանի անվան գավաթի 25-րդ խաղարկությունը։
Առաջին մրցումային օրը 5 քաշային կարգերում հայտնի են դարձել եզրափակիչի մասնակիցները, որոնցից չորսը հայ ըմբիշներ են:
57 կգ քաշային կարգի եզրափակիչ է դուրս եկել Եվրոպայի եռակի չեմպիոն, աշխարհի առաջնության կրկնակի բրոնզե մեդալակիր Արսեն Հարությունյանը, որը ոսկե մեդալի համար կգոտեմարտի վրացի Գեորգի Գեգելաշվիլիի հետ:
65 կգ քաշային կարգի եզրափակիչում աշխարհի գավաթակիր, Եվրոպայի չեմպիոն Վազգեն Թևանյանի մրցակիցը Բուլղարիայի ներկայացուցիչ Միկայ Նաիմն է:
70 կգ քաշային կարգում չեմպիոնի մեդալը կվիճարկեն Արման Անդրեասյանն ու ղազախ Մուրադ Ջակուպովը:
74 կգ քաշային կարգում Հրայր Ալիխանյանը ոսկե մեդալի համար կգոտեմարտի Մոլդովայի ներկայացուցիչ Վասիլ Դիակոնի հետ:
Այսօր պայքարի մեջ կներգրավվեն 79, 86, 92, 97, 125կգ քաշային ըմբիշբները։
Հիշեցնենք, որ ազատ ոճի ըմբշամարտի մրցաշարին մասնակցում են 15 երկրի ըմբիշներ: Հաղթողները կստանան 3000 դոլար պարգևավճար, փոխչեմպիոնները` 2000 դոլար, իսկ բրոնզե մեդալակիրները՝ 1000 դոլար: Մրցաշարի հաղթողների մարզիչները կպարգևատրվեն 1000 դոլարով:
Մրցաշարը նախընտրական է ազատ ոճի ըմբշամարտի Հայաստանի հավաքականի համար: Այս մրցաշարի արդյունքներով ձևավորվելու է Հայաստանի հավաքականի կազմը, որը սեպտեմբերին կմասնակցի 2024թ. Փարիզի Օլիմպիական խաղերի համար վարկանիշային աշխարհի առաջնությանը:
Ստեփան Սարգսյանի անվան գավաթի 25-րդ խաղարկությունը կավարտվի հունիսի 17-ին:
Նմանատիպ Լուրեր
ՈՒԵՖԱ Ֆուտզալի Չեմպիոնների Լիգայի եզրափակիչը՝ Երևանում
Հայաստանի ֆուտբոլի ֆեդերացիայի հայտը հաղթող է ճանաչվել Հունաստանի, Լիտվայի, Լեհաստանի, Իսպանիայի և Շվեյցարիայի ֆուտբոլի ֆեդերացիաների հետ մրցակցությունում:
Վահան Բիչախչյանը կարող է հեռանալ «Պոգոնից»
Հայաստանի հավաքականի կիսապաշտպան Վահան Բիչախչյանն այս ձմռանը, ամենայն հավանականությամբ, կհեռանա լեհական «Պոգոնից»։
ՈՒԵՖԱ Ֆուտզալի Չեմպիոնների Լիգայի եզրափակիչը կանցկացվի Երևանում
ՈՒԵՖԱ-ի Գործադիր կոմիտեի որոշմամբ Հայաստանի ֆուտբոլի ֆեդերացիան կհյուրընկալի ՈՒԵՖԱ Ֆուտզալի Չեմպիոնների Լիգայի 2024 թվականի եզրափակիչը:
Հրաձգության Հայաստանի երիտասարդական առաջնության հաղթողներն ու մեդալակիրները
Անցկացվել է հրաձգության Հայաստանի երիտասրդների առաջնությունը։ Մասնակցել են Երևանի հրաձգության մանկապատանեկան մարզադպրոցի, Գյումրու եւ Վանաձորի թիմերը, հաղորդում է ՀՀՖ-ի մամուլի ծառայությունը։
Ֆուտզալի Հայաստանի հավաքականը հաղթել է վրացիներին․ ԱԱ
Ֆուտզալի Հայաստանի հավաքականն առաջին հաղթանակը տարավ աշխարհի առաջնության որակավորման փուլի էլիտ ռաունդում` ընդհատելով 4 պարտությունից բաղկացած շարքը։
Հրանտ-Լեոն Ռանոսը խաղաժամանակ է ստացել «Բորուսիայում»
Հրանտ-Լեոն Ռանոսը խաղաժամանակ է ստացել «Բորուսիայում»:
