«Միասնության Դաշինքի» Սասուն թաղամասի թեկնածուների ժողովրդական հանդիպումը ՀՄՄ «Րաֆֆի» համալիրում
Երկուշաբթի, հունիսի 12-ի երեկոյան, ժամը 7-ին ՀՄՄ «Րաֆֆի» համալիրի «Մասիս» դահլիճում տեղի ունեցավ 17-րդ Պատգամավորական Ժողովի «Միասնության Դաշինքի» Սասուն թաղամասի 13 թեկնածուների հանդիպումը թաղեցիների հետ:
Hayazd.com-Սույն հանդիպման ընթացքում, հնչեց Տերունական աղոթքը, որից հետո Լիլիթ Սարդարյանը իր բացման խոսքով ներկաներին ծանոթացրեց «Միասնության Դաշինքի» ընդհանուր գաղափարների, ինչպես և այս թաղի թեկնածուների հետ: Այնուհետև բեմ հրավիրվեց ՀՄՄ «Րաֆֆի» համալիրի վարչության նախագահ Վիգեն Մանդանյանը, ով միության անունից ողջունելով Դաշինքի թեկնածուներին, հաջողություն մաղթեց նրանց:
ՊԺ թեկնածու Դոկտ. Ռուբիկ Սարդարյանը, իր հերթին ելույթ ունենալով, ընդհանուր գծերով ու պատկերներով ներկայացրեց իրանահայ թեմերի պատմությունը և ազգային իշխանության կառույցը:
Ապա ՊԺ թեկնածու Քարմեն Ազարյանը, խոսելով «Միասնության Դաշինքի» բարեփոխական նպատակների ու ծրագրի մասին, շեշտեց Պատգամավորական Ժողովի ընտրությունների և ժողովրդի մասնակցության կարևորությունը:
Այնուհետև թեկնածուներ՝ Վերժիկ Թահմասյանը և Մայրենի Հովասափյանը համառոտ ներկայացրին Սասուն թաղամասի «Միասնության Դաշինքի» թեկնածուների կենսագրությունները:
Հանդիպման ընթացքում հնչեցին հայրենասիրական երգեր և ասմունքներ:
Վերջում Հարգելի թեկնածուները պատասխանեցին ժողովրդին հուզող հարցերին:
Նմանատիպ Լուրեր
ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (13)
Ըստ երկրի սահմանադրության, խորհրդարանի հայ պատգամավորները հանդիսանում են համայնքի լիիրավ ներկայացուցիչները։ Բայց նրանք նաև օրենսդիր մարմինների ներկայացուցիչ են և ոչ թե գործադիր մարմնի , իսկ երկրորդ՝ «ազգային» կանոնադրության մեջ նրանց մասին չկա ոչ մի հոդված։
ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (12)
Իրանի Իսլամական Հանրապետությունում կրոնական փոքրամասնություններ ներկայացնող համայնքների իրավական հիմք է հանդիսանում «Կրոնական փոքրամասնությունների վերաբերյալ օրենքը», որը փոքրամասնություններին տրամադրում է երկրի սահմանադրությունից բխող բավականին լայն իրավունքներ իրենց ներքին գործերի և կրոնական ինքնավարության բնագավառում։
ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (11)
Իրանի երեք հայկական համայնքներն էլ՝ առաքելական, կաթոլիկ և ավետարանական, իրենց կրոնական և աշխարհիկ կառույցների միջոցով զգալի դեր են կատարել հայկական հոգևոր ու նյութական արժեքների ստեղծման ու պահպանման, ինչպես նաև համայնքային խնդիրների կարգավորման գործում։
ԻՐԱՆԱՀԱՅ ՀԱՄԱՅՆՔԸ. ՊԱՏՄԱԿԱՆ ԱԿՆԱՐԿ (10)
Ընդհանրապես Իրանում հայ կաթողիկե համայնքի գոյությունը դարերի պատմություն ունի։ Հայտնի է, որ դեռևս XIV դարի սկզբից տարբեր կրոնական միաբանությունների պատկանող կաթոլիկ միսիոներները քարոզչական գործունեություն էին ծավալել Պարսկահայք նահանգում։
Թեհրանում մի խումբ իրանահայ գործիչների մասնակցությամբ «Ի զորակցություն Արցախի» հանրահավաք է տեղի ունեցել․ Ալիևի ռեժիմի տմարդի քայլերը դատապարտող ելույթներ են հնչել, ընդունվել է բանաձև, որը փոխանցվելու է ՄԱԿ-ի գրասենյակին
ԻԻՀ մայրաքաղաք Թեհրանում գտնվող ՀՄՄ «Րաֆֆի» համալիրում երեկ՝ օգոստոսի 4-ին, ինչպես ավելի վաղ էինք հայտնել, նախատեսված էր հանրահավաք՝ ի զորակցություն Արցախի։
(2) ՊԱՐՍԿԱՀԱՅԵՐԻ 1828 Թ. ՎԵՐԱԲՆԱԿԵՑՈՒՄՐ ՌՈՒՍԱԿԱՆ ԻՇԽԱՆՈՒԹՅՈՒՆՆԵՐԻ ԿՈՂՄԻՑ
1828-1829 թթ. պարսկահայերի վերաբնակեցմանը վերաբերող գրականության մեջ, գրեթե բոլոր պատմաբանները, բացի Լեոյից, ներկայացրել են պարսկական եւ ռուսական շահերը, բացակայում է հայկական շահը:
