Լեհական EuRoPol GAZ-ը 1,4 մլրդ դոլարի հայց է ներկայացրել «Գազպրոմի» դեմ
Լեհական EuRoPol GAZ ընկերությունը, որը տնօրինում է Յամալ-Եվրոպա գազատարի լեհական տեղամասը, 6 մլրդ զլոտիի (ավելի քան 1,4 մլրդ դոլար) հայց է ներկայացրել Ստոկհոլմում, Առեւտրի պալատի արբիտրաժում, ռուսական «Գազպրոմ» ընկերության դեմ։
Այս մասին ուրբաթ RMF24 ռադիոկայանին տեղեկացրել է Լեհաստանի փոխվարչապետ, պետական ակտիվների վերահսկման նախարար Յացեկ Սասինը։
«EuRoPol GAZ-ը, որը պատասխանատու է գազի տարանցման համար, արբիտրաժ է ներկայացրել հայց ընդդեմ «Գազպրոմի»՝ գազի տարանցման չմարված պարտքը մոտ 850 մլն զլոտիով (220 մլն դոլար) փոխհատուցելու վերաբերյալ»,- ասել է նա։ Բացի այդ, EuRoPol GAZ-ը մտադիր է «Գազպրոմից» ստանալ եւս 5 մլրդ զլոտի (մոտ 1,2 մլրդ դոլար) «բաց թողնված շահույթի» համար այն պատճառով, որ «ներկա պահին ռուսական գազ չի ուղարկում», ավելացրել է նա։
Սասինի խոսքով՝ 2010թ. Լեհաստանի իշխանությունները «անշահավետ պայմանագիր» են կնքել «Գազպրոմի» հետ՝ այն հաշվարկով, որ ռուսական ընկերությունը գազ կմատակարարի Եվրոպա EuRoPol GAZ-ի օգնությամբ մինչեւ 2045թ.։ «Ի տարբերություն մեր նախորդների՝ մենք երբեք ռուսների առջեւ ծնկի չենք իջել,- ասել է Սասինը։- Իսկ մեր նախորդներն ինչ-որ զարմանալի ձեւով համաձայնել են այն պայմաններին, որոնք մեզ պարտադրել են ռուսները, եւ [գազը Լեհաստան մատակարարելու] դիվերսիֆիկացման անհրաժեշտություն չեն տեսել»։
Լեհաստան բնական գազի մատակարարումները «Գազպրոմը» դադարեցրել է ավելի քան մեկ տարի առաջ, քանի որ Լեհաստանը հրաժարվել է գազի դիմաց վճարել ռուբլով։
ejc.am
Նմանատիպ Լուրեր
Իրանը 50 տոկոսով ավելացրել է Կենտրոնական Ասիայի երկրներ, Ռուսաստան և Կովկաս արտահանման ծավալները
Ընթացիկ տարվա մարտի 21-ից ապրիլի 20-ն ընկած ժամանակահատվածում Իրանից Կենտրոնական Ասիայի երկրներ, Ռուսաստան և Կովկաս իրանական ապրանքների արտահանման ծավալն աճել է 50 տոկոսով ՝ նախորդ տարվա նույն ժամանակահատվածի համեմատ:
Նախատեսում ենք Իրանի հետ միասին արտադրել ապրանքներ, որոնք կվաճառվեն ամբողջ աշխարհում․ Քերոբյան
Նախատեսում ենք Իրանի հետ միասին արտադրել ապրանքներ, որոնք կվաճառվեն ամբողջ աշխարհում:
«Հյուսիս-հարավ» ճանապարհի 4-րդ տրանշի համար առաջիկայում մրցույթ կհայտարարվի. նախարար
Առաջիկայում մրցույթ կհայտարարվի Հյուսիս-Հարավ ավտոճանապարհի 4-րդ տրանշի համար։
Թուրքիայի նոր արտգործնախարարը կամրապնդի կապերը Մերձավոր Արևելքի և Հյուսիսային Աֆրիկայի հետ․ Bloomberg
Թուրքիայի նոր արտգործնախարար Հաքան Ֆիդանը, ամենայն հավանականությամբ, ակտիվացնելու է Մերձավոր Արևելքի և Հյուսիսային Աֆրիկայի տարածաշրջանի պետությունների հետ կապերի ամրապնդման Անկարայի քաղաքականությունը՝ շարունակելով իր գործունեությունը թուրքական հետախուզության ղեկավարի պաշտոնավարման ընթացքում։
Իրանը գազային հաբ է դառնում Մերձավոր Արևելքում
Էներգետիկ շուկայի փորձագետ Սեյեդ Համիդ Հոսեյնին հայտարարել է, որ Իրանը շարժվում է Մերձավոր Արևելքի տարածաշրջանում գազային հաբ դառնալու ուղղությամբ՝ վերսկսելով Թուրքմենստանից գազի ներկրումը, տեղեկացնում է Tasnim-ը։
Մայիսին Թուրքիայում տարեկան գնաճը գրեթե 40 տոկոս է եղել
Մայիսին Թուրքիայում տարեկան գնաճը կազմել է 39,59%, հաղորդում է Թուրքիայի վիճակագրական բյուրոն (TÜİK): 2023 թվականի մայիսին ամսական կտրվածքով գնաճը կազմել է 0,04%, իսկ տարեկան կտրվածքով` 39,59%։
