Երևանում ընթացող բռնցքամարտի ԵԱ-ի եզրափակիչում Հայաստանն ունի 3 մասնակից. 9 բռնցքամարտիկ նվաճել է բրոնզե մեդալ
Հայաստանի բռնցքամարտի երիտասարդական ընտրանին Երևանում ընթացող Եվրոպայի երիտասարդների առաջնության եզրափակիչում ունի 3 մասնակից և արդեն իսկ նվաճել է 9 բրոնզե մեդալ:
«Արմենպրես»-ի հաղորդմամբ` Երևանի «Միկա» մարզահամալիրում ընթացող Եվրոպայի երիտասարդների առաջնության երեկոյան մրցահերթում Հայաստանի 8 ներկայացուցիչ մրցեց կիսաեզրափակիչ փուլում:
63,5 կգ քաշային կարգում Արթուր Մկրտչյանը զիջեց Ռումինիայից Արուն Տուդորոիուի հետ մենամարտում` դառնալով ԵԱ-ի բրոնզե մեդալակիր:
Հայաստանի մեկ այլ ներկայացուցիչ՝ 67 կգ քաշային Յուրա Բաբլումյանը պարտվեց ռուս մարզիկ Ալեկսեյ Գուկովին: Յուրա Բաբլումյանը ևս բրոնզե մեդալակիր է:
71 կգ քաշային Արման Միսկարյանը պարտվեց հունգարացի Կրիսզիան Նիլեբորգին: Միսկարյանը ԵԱ-ում նվաճեց Հայաստանի 6-րդ բրոնզե մեդալը:
Կիսաեզրափակիչում պարտվեց և բրոնզ նվաճեց նաև 75 կգ քաշային Արմեն Պողոսյանը, ով զիջեց Իտալիան ներկայացնող Չիրո Կուրտին:
Տղամարդկանց 80 կգ քաշային կարգում Հայաստանի ներկայացուցիչ Աղվան Ալեքսանյանը կիսաեզրափակիչում մրցեց ռումինացի Դավիթ Թեոդոսեսկուի հետ և հաղթեց․ նա կպայքարի ոսկե մեդալի համար:
86 կգ քաշային Դավիթ Սիմոնյանը ևս դուրս եկավ եզրափակիչ: Նա կիսաեզրափակիչում գերազանցեց Դումիտրել Բադեային:
92 կգ քաշի կիսաեզրափակիչում միմյանց դեմ մրցեցին Հայաստանից Իշխան Հովսեփյանը և ռումինացի Ֆլորին Իոնիտան: Հաղթեց ռումինացին և Հովսեփյանը դարձավ ԵԱ-ի բրոնզե մեդալակիր:
Գերծանր քաշային կարգում Ալբերտ Հարությունյանն ուժերը չափեց խորվաթ Լովրո Պավչեչի հետ ու զիջեց` նվաճելով միայն բրոնզե մեդալ:
Հայաստանը Եվրոպայի առաջնության եզրափակիչի 3 մասնակից ունի` Գոռ Ազիզյանը, Աղվան Ալեքսանյանը և Դավիթ Սիմոնյանը:
Բրոնզե մեդալներ են նվաճել` Հովհաննես Հարությունյանը, Դավիթ Սաֆարյանը, Էրիկ Արստանյանը, Արթուր Մկրտչյանը, Յուրա Բաբլումյանը, Արման Միսկարյանը, Արմեն Պողոսյանը, Իշխան Հովսեփյանը և Ալբերտ Հարությունյանը:
Նմանատիպ Լուրեր
ՈՒԵՖԱ Ֆուտզալի Չեմպիոնների Լիգայի եզրափակիչը՝ Երևանում
Հայաստանի ֆուտբոլի ֆեդերացիայի հայտը հաղթող է ճանաչվել Հունաստանի, Լիտվայի, Լեհաստանի, Իսպանիայի և Շվեյցարիայի ֆուտբոլի ֆեդերացիաների հետ մրցակցությունում:
Վահան Բիչախչյանը կարող է հեռանալ «Պոգոնից»
Հայաստանի հավաքականի կիսապաշտպան Վահան Բիչախչյանն այս ձմռանը, ամենայն հավանականությամբ, կհեռանա լեհական «Պոգոնից»։
ՈՒԵՖԱ Ֆուտզալի Չեմպիոնների Լիգայի եզրափակիչը կանցկացվի Երևանում
ՈՒԵՖԱ-ի Գործադիր կոմիտեի որոշմամբ Հայաստանի ֆուտբոլի ֆեդերացիան կհյուրընկալի ՈՒԵՖԱ Ֆուտզալի Չեմպիոնների Լիգայի 2024 թվականի եզրափակիչը:
Հրաձգության Հայաստանի երիտասարդական առաջնության հաղթողներն ու մեդալակիրները
Անցկացվել է հրաձգության Հայաստանի երիտասրդների առաջնությունը։ Մասնակցել են Երևանի հրաձգության մանկապատանեկան մարզադպրոցի, Գյումրու եւ Վանաձորի թիմերը, հաղորդում է ՀՀՖ-ի մամուլի ծառայությունը։
Ֆուտզալի Հայաստանի հավաքականը հաղթել է վրացիներին․ ԱԱ
Ֆուտզալի Հայաստանի հավաքականն առաջին հաղթանակը տարավ աշխարհի առաջնության որակավորման փուլի էլիտ ռաունդում` ընդհատելով 4 պարտությունից բաղկացած շարքը։
Հրանտ-Լեոն Ռանոսը խաղաժամանակ է ստացել «Բորուսիայում»
Հրանտ-Լեոն Ռանոսը խաղաժամանակ է ստացել «Բորուսիայում»:
