Մեր նպատակը համայնքային բոլոր ուժերի և ռեսուրսների աջակցությամբ՝ միաբան, կենսունակ և բարեկարգված համայնք ստեղծելն է․ Հենրիկ Տեր Ղուկասյան
Թվականիս մարտի 3-ին, Իրանահայ Ազգային և Մշակութային Միության վարչության նախաձեռնությամբ և թեհրանահայ Միասնության Դաշինքի համագործակցությամբ ԻԱՄՄ սրահում տեղի ունեցավ <<Հայ Մտավոր>> կենտրոնի մասնագիտական քննարկումների երկրորդ հանդիպումը։
Թվականիս մարտի 3-ին, Իրանահայ Ազգային և Մշակութային
Միության վարչության նախաձեռնությամբ և թեհրանահայ Միասնության Դաշինքի համագործակցությամբ
ԻԱՄՄ սրահում տեղի ունեցավ <<Հայ Մտավոր>>
կենտրոնի մասնագիտական քննարկումների երկրորդ հանդիպումը։ Օրվա բանախոսն էր իրանահայ
ազգային հասարակական գործիչ, հաջողակ գործարար, ազգային եկեղեցական բարերար և Ս․ Մարիամ Աստվածածին Բարեգործական կենտրոնի, Հայ Մշակույթային
Հասարակական
ֆորումի և Հայ Բիզինես Ֆորումի համահիմնադիր ճարտարագետ՝
Պրն․ Հենրիկ Տեր Ղուկասյանը։
Քննարկման խորագիրն էր <<Իրանահայ համյանքը
և նրա հնարավորությունները>>։ Հանդիպմանը ներկա էին մի խումբ իրանահայ մտավորականներ,
ազգային հասարակական գրծիչներ, լրագրողներ, իրավաբաններ, միութենականներ, մշակութային
գործիչներ, գործարարներ և էլիտաներ։
Ծրագրի սկզբում ԻԱՄՄ վարչության նախագահ Դոկտ․ Անդրանիկ Սիմոնյանը ներկայացրեց օրվա բանախոսին և
հակիրճ բացատրություն տվեց նման հանդիպումների անցկացման նպատակների և մեր համայքում
առկա խնդիրները պատշաճորեն լուծելու անհրաժեշտության և հարցերը բազմակողմանի քննարկելու
և նման հանդիպումներում արծարծված հարցերը հանրության սեփականությունը դարձնելու կարևորության մասին; Այնուհետև առիթը տրվեց օրվա բանախոս Ճրտգ․ Հենրիկ Տեր Ղուկասյանին իր տեսակետներն ու առաջիկա
ծրագրերը առաջարկները ներկայացնելու համար։
Ճրտգ․ Հենրիկ Տեր Ղուկասյանը մանրամասնորեն անդրադառնալով Թեհրանահայ
համայնքում գոյություն ունեցող մշակութային, կրթական, հասարակական և սոցիալական ու
տնտեսական առկա խնդիրներին և բազմաթիվ բարդություններին, որոնք տարիների ընթացքում
պատշաճ մասնագիտական լուծումներ չգտնելու պատճառով լուրջ խնդիրների առաջ են դրել մեր
համայնքին, առաջարկեց փոխըմբռնման, մասնագիտական մոտեցմամբ, համայքնի բոլոր տարրերի
փորձագիտական շրջանակի ընդգրկմամբ, համերաշխության և փոխգործակցության ստեղծվելիք մթնոլորտում և միասնական ոգով լծվել հասարակական
մշակութային աշխատանքի և հիմնական բարեկարգումներ իրականացնել համայնքային կրթամշակութային
և այլ կառույցներում։
Նա ընդգծեց, որ համայնքային ներկա անմխիթար իրավիճակը պահանջում
է, արդիական տեխնալոգիաների կիրառմամբ և օրվա պահանջներին համահունչ իրատեսական հիմունքների
հիման վրա, նոր վարչակառավարման մոտեցում ընդունել հարցերը լուծելու համար։ Կանգ առնելով մասնագիտական
մարդուժի և ֆինանսական արդիական կիրառական մեթոդների անհրաժեշտությանը, բանախոսն ընդգծեց՝
առկա հարցերը կարգավորելու և հասարակական խնդիրները լուծելու նպատակով վերադասավորել
համայնքային ուժերը և հենվել երիտասարդ սերնդի դաստիարակության, մասնագիտացված մարդուժի
ներգրավման և նոր փորձագիտական ինիստիտուտների ստեղծման անհրաժեշտությունը։ Նա նաև
կարևորեց հասարակական և տնտեսական բարեկարգումների և մշակույթային կյանքին նոր շունչ
ու ոգի հաղորդելու անհրաժեշտությունը, որի իրացման համար հույժ կարևոր համարեց համայնքի
բոլոր ուժերի անաչառ և անկողմնակալ ընդգրկվածությունը հասարակական մշակութային, կրթական
և գործարարական աշխատանքներում, որին պատրաստ է աջակցել և հովանավորել ՀՄՀՖ-ը, ՍՄԱԲ կենտրոնը և Բիզինես Ֆորումը։
Հանդիպման ընթացքում ներկաները իրենց հարցերը և առաջարկները
ներկայացրեցին Ճրտգ․ Հենրիկ Տեր Ղուկասյանին և Դոկտ․ Անդրանիկ Սիմոնյանին, որոնց տրվեց պատշաճ պատասխաններ։
Համդիպումն ավարտվեց հարցերի լայն քննարկմամբ և մտքերի փոխանակմամբ։ Հայ մտավոր պրոեկտի
նախաձեռնող Դոկտ․ Անդրանիկ Սիմոնյանը
և Ճրտգ․ Հենրիկ Տեր Ղուկասյանը խոստացան,
որ նման շինիչ և արդյունավետ հանդիպումները կշարունակվեն և առաջիկա նիստերի ու քննարկումների ժամանակ կներգրավեն համայնքի այլ մասնագետներ
ու փորձագետներ, որոնք պատրաստ են իրենց մտավոր ներդրումն ունենալ համայնքի աշխատանքներում
և մասնակցել ծաղկուն ու կենսունակ համայնք ստեղծելու աշխատանքներին։
<<Հայազդ>> կայքի Խմբագրություն
Նմանատիպ Լուրեր
Ազգային միասնությունն ու համայնքային միասնությունը յուրաքանչյուր երկրի ժողովրդի համար առանձնահատուկ տեղ ունեն
Իրանահայ համայնքը Մերձավոր Արևելքի տարածաշրջանի հնագույն, ավանդական և ամենախոշոր համայնքներից է։
Խոյում հայկական եկեղեցիները չեն վնասվել երկրաշարժի հետևանքով
Իրանում հայկական եկեղեցիների կենտրոնի պատասխանատու՝ Տկն. Ավետյանը վստահեցրեց, որ եկեղէցիները ունեն ամուր հիմք և կառույց և չեն վնասվել երկրաշարժի հետևանքով:
Շնորհավորանք
Ջերմորեն շնորհավորում ենք Ձեզ ծննդյան տարեդարձի առթիվ: Դուք հայ իրականության մեջ գոյություն ունեցող բարեգործական և հասարակական ու մշակութային ավանդույթների լավագույն շարունակողն եք:
Իրանահայ համայնքի գործարարների ներգրավումը՝ Իրանի և Հայաստանի արդյունաբերական բաժնի և տնտեսական զարգացման ոլորտում
Իրանահայ գործարարները առաջարկում են Իրանում ստեղծել հայ և իրանցի գործարարների և արհեստավորների համատեղ ընկերություններ և Հայաստանի ֆինանսների և արդյունաբերության նախարարությունից փորձագիտական խորհրդատվություն ստանալով՝ պահանջված արդյունաբերական նախագծեր իրականացնել Հայաստանում:
Անդրադարձ՝ «ՀՄՀՖ»-ի «ՍՄԱԲ» կենտրոնի և ԲՖ-ի 2022 թվականի գործունեությանը
Տարեվերջի ավանդության համաձայն «Հայազդ» լրատվական կայքը ամփոփել է «ՀՄՀՖ»-ի «ՍՄԱԲ» կենտրոնի և Բիզինես Ֆորումի գործունեության տարին, առանձնացնելով 2022 թվականի կարևորագույն մշակութային իրադարձությունները։
.jpeg)
Հայ-իրանական հարաբերությունները որքան հարուստ պատմություն, նույնքան էլ մեծ ներուժ և խոստումնալից ապագա ունեն
Հազարամյակներ շարունակ իրար հարևանությամբ ապրող հնդեվրոպական երկու հնագույն ժողովուրդները՝ հայերը և իրանցիները, տոնում են իրենց ժամանակակից պետությունների՝ Հայաստանի Հանրապետության (ՀՀ) և Իրանի Իսլամական Հանրապետության (ԻԻՀ) միջև դիվանագիտական հարաբերությունների հաստատման 30-րդ հոբելյանական տարեդարձը: ՀՀ-ԻԻՀ դիվանագիտական հարաբերությունները հաստատվել են ուղիղ 30 տարի առաջ՝ 1992 թ. փետրվարի 9-ին:
