Ֆրանսիան միշտ եղել է Հայաստանի կողքին՝ երկրի սուվերենությունն ու անկախությունն ամրապնդելու հարցում. Ֆրանսիայի ԱԺ նախագահ
Ֆրանսիայի Ազգային ժողովի նախագահ Յաել Բրաուն-Պիվեն վստահեցնում է, որ Ֆրանսիան միշտ եղել է Հայաստանի կողքին՝ ամրապնդելու երկրի սուվերենությունն ու անկախությունը. Ֆրանսիան կանգնած է եղբայրական երկրների կողքին, որոնց տարածքային ամբողջականությունը ենթարկվում է սպառնալիքների:
«Արմենպրես»-ի փոխանցմամբ՝ Յաել Բրաուն-Պիվեն այս մասին ասաց ՀՀ ազգային ժողովում ԱԺ նախագահի հետ հանդիպումից հետո լրագրողների համար իր հայտարարությունում:
Ֆրանսիայի ԱԺ նախագահը նշեց, որ իրենք պարտավոր էին լինել Հայաստանում, քանի որ առկա են լարվածություններ, որոնք ակտիվանում, բռնկվում և խոցելի են դարձնում Հայաստանը: «Եվ մենք՝ Ֆրանսիան, պետք է կանգնած լինենք եղբայրական երկրների կողքին, որոնց տարածքային ամբողջականությունը ենթարկվում է սպառնալիքների, հարձակումների»,-ասաց Ֆրանսիայի ԱԺ նախագահը:
Նրա խոսքով՝ սեպտեմբերին Հայաստանի դեմ ադրբեջանական սադրանքները աղմուկ են բարձրացրել Ֆրանսիայում, և ԱԺ-ն արձագանքել է դրան: Մասնավորապես, ընդունվել է բանաձև, որը պահանջում է Ադրբեջանի կողմից Հայաստանի նկատմամբ ագրեսիան դադարեցնել և Հարավային Կովկասում երկարատև խաղաղություն հաստատել:
«Ինչպես գիտեք՝ Ֆրանսիան միշտ եղել է Հայաստանի կողքին՝ ամրապնդելու երկրի սուվերենությունն ու անկախությունը: Կառավարության և նախագահ Էմանուել Մակրոնի, ընդհանրապես մեր երկրի զգոնությունն ամբողջական է»,-վստահեցրեց նա՝ հավելելով, որ Ֆրանսիան համերաշխ է Հայաստանի հետ:
Ֆրանսիան շատ անհանգիստ է նաև Լեռնային Ղարաբաղում իրավիճակի կապակցությամբ: «Մենք մտահոգված ենք, քանի որ շրջափակումը մարդասիրական այնպիսի իրավիճակ է ստեղծում, որը գնալով վատթարանում է»,-նշեց Յաել Բրաուն-Պիվեն:
Ֆրանսիայի ԱԺ նախագահի ղեկավարած պատվիրակությունը Հայաստանում վաղն իսկ հանդիպելու է ոչ կառավարական մի շարք կազմակերպությունների ներկայացուցիչների հետ, որոնք աշխատում են շրջափակման արդյունքում տուժած մարդկանց հետ: Ֆրանսիայի ԱԺ նախագահը կարևորեց ճանապարհի բացումը, էլեկտրաէներգիայի մատակարարման վերականգնումը, ինտերնետի վերականգնումը:
«Մենք ամեն ինչ կանենք, որ խուսափենք մարդասիրական աղետից: Ցանկանում եմ նաև մեր մտահոգությունը հայտնել պատմական և մշակութային ժառանգության առումով, որն այսօր վտանգված է և կարող է ոչնչացվել : Մոտ 1500 հայկական մշակութային և պատմական ժառանգության նմուշներ պետք է անպայման պահպանվեն: Ֆրանսիան ՅՈՒՆԵՍԿՕ-ի հետ միասին ջանքեր կգործադրի այդ ուղղությամբ: Ժառանգությունը մեր պատմությունն է: Մենք համոզված ենք, որ անհրաժեշտ է վերականգնել բոլոր կողմերի միջև երկխոսությունը, որ հասնենք խաղաղ ու կայուն լուծման»,-ասաց նա:
Ֆրանսիայի ԱԺ նախագահը ողջունեց նաև միջխորհրդարանական այն համաձայնությունը, որը ստորագրել են ԱԺ նախագահի հետ, այն պետք է թույլ տա էլ ավելի ամրապնդել բարեկամական կապերը, խորհրդարանների միջև գոյություն ունեցող խորը հարաբերությունները:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
