Իրանի խորհրդարանի պատգամավորներն արձագանքել են Պարսից ծոցի համագործակցության խորհրդի տարածած հայտարարությանը
Պարսից ծոցի համագործակցության խորհրդի անդամ երկրները Ռիադում կայացած 43-րդ գագաթնաժողովի ամփոփիչ հայտարարության մեջ հերթական անգամ ներկայացրել են ԱՄԷ-ի պնդումներն իրանական եռյակ կղզիների վերաբերյալ:
Իրանի Իսլամական խորհրդարանի մի շարք պատգամավորներ արձագանքել են Չինաստանի և Պարսից ծոցի համագործակցության խորհրդի համատեղ հայտարարությանը և հայտարարել, որ վճռական են Իրանի տարածքային ամբողջականության հարցում։
ԻՍՆԱ-ի փոխանցմամբ՝ Իսլամական խորհրդարանի մի շարք պատգամավորներ արձագանքելով Չինաստանի և Պարսից ծոցի համագործակցության խորհրդի համատեղ հայտարարությանը, Twitter-ի իրենց էջերում գրառումներ են արել:
Թվիթերյան գրառումներում պատգամավորներն ընդգծել են.-«Իրանի Իսլամական Հանրապետությունն վճռական է իր տարածքային ամբողջականության հարցում և զիջումների չի գնա որևէ երկրի հետ»։
parstoday.com