-1903 թ. դեկտեմբերի 8-ին մահացել է Հերբերտ Սփենսերը՝ անգլիացի փիլիսոփա, հոգեբան, սոցիոլոգ, պոզիտիվիզմի հիմնադիրներից մեկը (ծնվ.՝ 1820 թ.):

-1955 թ. դեկտեմբերի 8-ին ծնվել է Լեւոն Խեչոյանը՝ հայ արձակագիր (մահ.՝ 2014 թ.):

-1970 թ. դեկտեմբերի 8-ին մահացել է Աբրահամ Ալիխանովը՝ հայ նշանավոր ֆիզիկոս, ֆիզիկամաթեմատիկական գիտությունների դոկտոր, պրոֆեսոր (ծնվ.՝ 1904 թ.):

-1980 թ. դեկտեմբերի 8-ին մահացել է Ջոն Լենոնը՝ անգլիացի ռոք-երաժիշտ (ծնվ.՝ 1940 թ.):

Ռոկոկոյի ճարտարապետական, ավելի ճիշտ՝ դեկորատիվ ոճը ծագել է Ֆրանսիայում Լյուդովիկոս 15-րդի խնամակալ Ֆիլիպ Օռլեանցու օրոք եւ իր գագաթնակետին է հասել Լյուդովիկոս 15-րդի օրոք՝ ներթափանցելով Եվրոպայի մյուս երկրներ։

Մի կողմ թողնելով Լյուդովիկոս 14-րդի շրջանի եւ իտալական բարոկկոյի սառը շքեղությունը, ծանր ու ձանձրալի ձեւերը՝ ռոկոկոյի ճարտարապետությունը ձգտում էր լինել թեթեւ, բարեհաճ, խուսափում էր խիստ համաչափությունից, դետալների անվերջ տարբերակներ էր ստեղծում։ Այս ճարտարապետության մեջ գրեթե անհետանում են ուղիղ գծերն ու հարթ մակերեւույթները, ճիշտ նույնությամբ չի պահպանվում ընդունված եւ ոչ մի կարգ. սյուները մեկ երկարում են, մեկ՝ կարճանում, մեկ՝ պտտվում շրջանակաձեւ, խոյակները փոփոխվում են, որմնասյուները առաջ ձգվող քիվեր ունեն։ Ճակտոններն ունեն ուռուցիկ եւ խոռոչավոր գծեր, թագադրված են սկիհներով, բուրգերով, քանդակներով։ Դռների, պատուհանների, շենքերի ներսի պատերի ձեւավորման մեջ իրենց դերն ունեն խճճված, «սվաղած զարդարանքները», որոնք ներկայացնում են տերեւներ հիշեցնող խոպոպներ, դիմակներ, ծաղկաշղթաներ եւն։ Չնայած ռացիոնալության բացակայությանը եւ քմահաճությանը՝ մեզ են հասել ռոկոկո ոճի շատ հուշարձաններ, որոնք աչքի են ընկնում յուրօրինակությամբ, շքեղությամբ, զվարթ գեղեցկությամբ։

Ա. Հ.