Ծնվել է աշխարհի 8 միլիարդերորդ երեխան. ովքե՞ր են 5, 6 և 7 միլիարդերորդ մարդիկ
Աշխարհի բնակչությունը հատել է 8 միլիարդի շեմը՝ 7 միլիարդի շեմն անցնելուց ընդամենը 11 տարի անց: Այս մասին տեղեկացնում է «Արմենպրես»-ը՝ վկայակոչելով BBC պարբերականում հրապարակված հոդվածը:
20-րդ դարի կեսերին արձանագրված մեծ աճից հետո բնակչության աճի տեմպերը փոքր-ինչ դանդաղել են: 9 միլիարդի շեմը հատելու համար կարող է 15 տարի պահանջվել, իսկ 10 միլիարդի հասնելու համար, ըստ ՄԱԿ-ի, մարդկությունը կարող է սպասել մինչև 2080 թվականը:
ՄԱԿ-ը նշում է, որ աշխարհում մարդկանց ճշգրիտ թիվը հաշվարկելը դժվար է, և իր հաշվարկներում կարող է մեկ-երկու տարով սխալվել, սակայն մոլորակի բնակչության 8 միլիարդի հատման շեմ է նշվում 2022 թ.-ի նոյեմբերի 15-ը:
Նախորդ տարիներին ՄԱԿ-ն ընտրել էր այն երեխաներին, որոնք պաշտոնապես համարվեցին աշխարհի հինգ, վեց և յոթ միլիարդերորդ մարդիկ:
1987թ. հուլիսի 11-ին Զագրեբում ծնված Մաթեյ Գասպարը համարվում է աշխարհի 5 միլիարդերորդ մարդը: Այժմ նա ամուսնացած է, աշխատում է որպես քիմիական ինժեներ, սակայն խուսափում է հարցազրույցներից և հրաժարվել է խոսել BBC-ի հետ:
Նրա ծնվելուց հետո մոլորակի բնակչությունն ավելացել է ևս 3 միլիարդով:
Աշխարհի 6 միլիարդերորդ մարդն է համարվում Բոսնիա և Հերցեգովինայում ապրող 23-ամյա Ադնան Մևիչը:
Նա տնտեսագիտության մագիստրոսի կոչում ունի և այժմ աշխատանք է փնտրում: Ապրում է Սարաևոյում իր մոր՝ Ֆաթիմայի հետ: Ադնանը հիշում է, որ իր ծննդյան օրերին իրեն միշտ այցելել են քաղաքական գործիչներ: Սակայն աշխարհի 6 միլիարդերորդ մարդը լինելու շնորհիվ նա 11 տարեկանում հանդիպել է իր հերոսի՝ ֆուտբոլիստ Կրիշտիանու Ռոնալդուի հետ:
Իսկ Բանգլադեշում ապրող 11-ամյա Սադիա Սուլթանա Օիշին համարվում է աշխարհի 7 միլիարդերորդ մարդը: Ընտանիքն անակնկալի է եկել, երբ դստեր ծնվելուց հետո իրենց շրջապատել են հեռուստալրագրողները և տեղի պաշտոնյաները:
Աշխարհի բնակչության վերաբերյալ կանխատեսումներ անող երեք հիմնական կառույցներն են ՄԱԿ-ը, Վաշինգտոնի համալսարանի Առողջապահության չափման և գնահատման ինստիտուտը (IHME) և Վիեննայի IIASA-Wittgenstein կենտրոնը: Ըստ ՄԱԿ-ի՝ 2080-ականներին աշխարհի բնակչության թիվը կհասնի 10,4 միլիարդի, սակայն IHME-ի և IIASA-Wittgenstein-ի կանխատեսումների համաձայն՝ մոլորակի բնակչության թիվը կմոտենա 10 միլիարդի ավելի շուտ՝ 2060-2070 թվականներին:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
