Էրդողանի հետ հանդիպմանը որոշ նրբություններ եմ ներկայացրել․ վարչապետը Թուրքիայի նախագահի հետ հանդիպումը դրական է համարում
Իսկ ով է ասում, որ մենք չենք ուզում Ադրբեջանի հետ մեր հարաբերությունները կարգավորել։ Ես Թուրքիայի նախագահ Ռեջեփ Թայիփ Էրդողանի հետ հանդիպման ժամանակ մի շարք նրբություններ եմ ներկայացրել այն մասին, թե ինչպես է որոշ հարցերի վերաբերյալ Թուրքիայի ունեցած դիրքորոշումը տեսնում Հայաստանը, և հասկանալ նաև հակառակը։
ՀՀ վարչապետ Նիկոլ Փաշինյանն այս մասին խոսեց Հանրային հեռուստաընկերությանը տված հարցազրույցում՝ դրական գնահատելով Էրդողանի հետ ունեցած հեռախոսազույցն ու Պրահայի հանդիպումը:
Նիկոլ Փաշինյանն արձանագրեց, որ վերջին շրջանում Թուրքիայի բարձրաստիճան պաշտոնյաների կողմից հնչում են հայտարարություններ, որոնք որոշակի նոր խոսույթ են բերում։
«Օրինակ վերջերս նկատեցի, որ Թուրքիայի նախագահի մամլո խոսնակը, ով արտաքին քաղաքական հարցերով խորհրդական է նաև, իր հարցազրույցներում կարևորեց ԼՂ հայության իրավունքների և անվտանգության հարցը, որը նույնպես շատ կարևոր և նուրբ բաղադրիչ է»,-ասաց վարչապետը։
Նիկոլ Փաշինյանը նաև նշեց, որ եթե հաջողվի երրորդ երկրների քաղաքացիների համար բացել Հայաստան-Թուրքիա սահմանը, ապա դա շատ լուրջ առաջընթաց կլինի:
«Մենք հիմա դրա վրա աշխատում ենք, բայց ես չեմ ուզում, որ մենք իլյուզիաների մեջ ընկնենք, թե հիմա, մեկ-երկու օրում այդ խնդիրը լուծելու ենք: Իմ ասածն այն է, որ մենք պետք է հետևողականորեն դրան գնանք»,-շեշտեց վարչապետը:
armtimes.com
Նմանատիպ Լուրեր
