«Ժամանակի անիվը» ցուցահանդեսին նկարիչ Մոնի Հովսեփյանն առաջին անգամ ներկայացրեց տասը տարվա ընթացքում ստեղծած աշխատանքները
Գրաֆիկ նկարիչ Մոնի Հովսեփյանը «Ժամանակի անիվը» անհատական ցուցահանդեսում առաջին անգամ արվեստասերներին է ներկայացնում տասը տարվա ընթացքում ստեղծված շերտակտավները (քվիլթի):
«Արմենպրես»-ի հաղորդմամբ՝ցուցահանդեսի բացման հանդիսավոր արարողությունը տեղի ունեցավ նոյեմբերի 9-ին Հովհաննես Շարամբեյանի անվան ժողովրդական արվեստի թանգարանում:
Մոնի Հովսեփյանն ասաց, որ «շերտակտավ» բառն ինքն է հորինել: «Կտորների շերտերը թելով իրար ամրացնելու գործընթացն է, աշխատանք, որի ընթացքում կտորները կտավի են վերածվում: Հենց այդ պատճառով որոշեցի «շերտակտավ» բառն օգտագործել»,-պարզաբանեց նկարիչը:
Ցուցահանդեսում վեց աշխատանք է ընդգրկված, որոնցից հինգը դեկորատիվ բնույթ ունեն: «Երախտագիտություն՝ դարի երկայնքով» շերտակտավը Հովսեփյանը նախատեսում է նվիրել Ֆրիտյոֆ Նանսենի ինստիտուտին:
Նկարիչն այն ստեղծել է՝ փորձելով շնորհակալություն հայտնել Նանսենին, որի ջանքերով 1922-ին ստեղծվեցին Նանսենի անձնագրերը՝ Հայոց ցեղասպանությունից մազապուրծ 320 հազար հայի հնարավորություն տալով քաղաքացիություն ստանալ աշխարհի 54 երկրում: Նանսենի անձնագրեր ստացած հայերի թվում են եղել Շառլ Ազնավուրի, գրող Անտոնիա Արսլանի, գործարար Էդուարդո Էռնեկյանի ծնողները:
«Այս աշխատանքները ստեղծել եմ տասը տարվա ընթացքում: Յուրաքանչյուր կտավ ինձնից խլում է մոտ կես տարի»,-նշեց Մոնի Հովսեփյանը:
Նկարչուհին գրքերի նկարազարդումներով է զբաղվել, ձևավորել դրանք, սակայն նրան շատ է գրավել նաև կտորի հետ աշխատանքը:
«Տարիներ առաջ Մոսկվայում էի և ասեղնագործության հետաքրքիր նմուշներ էի փնտրում: Նմուշները նայելիս «բարջելո» անունով տեխնիկայի հանդիպեցի, որի կիրառմամբ կտորներ են հավաքել: Երբ մտա այդ աշխարհ, անդադար նորություններ գտա, և այն ինձ գերեց: Ես գրաֆիկ նկարիչ եմ և ունեմ գույնի լավ զգացողություն, սակայն չունեմ գեղանկարչի տեխնիկա: Երբ ստեղծում եմ այս շերտակտավները, իմ գրաֆիկան վերածում եմ գեղարվեստական արժեքի այս կտորների օգնությամբ, կտորներ, որոնցով աշխատում են աշխարհի լավագույն դիզայներները: Գերագույն հաճույք եմ ստանում այս աշխատանքից»,-խոստովանեց Մոնի Հովսեփյանը:
«Ժամանակի անիվը» ցուցահանդեսը բաց կլինի երկու շաբաթ:
Նմանատիպ Լուրեր
«Արմատ» հայկական կարճամետրաժ մուլտֆիլմը՝ «Օսկարի» հավակնորդ․ The Hollywood Reporter
The Hollywood Reporter-ը նշել է 15 անիմացիոն կարճամետրաժ ֆիլմերից մեկը՝ ARMAT-ը կարող է արժանանալ Օսկարի։
Պեկինում անցկացվում է Խաչատրյանի անվան միջազգային մրցույթ
Չինաստանի մայրաքաղաք Պեկինում դեկտեմբերի 17-ին մեկնարկել է Խաչատրյանի անվան միջազգային հոբելյանական մրցույթը՝ «ջութակ» մասնագիտական կարգում։ Այն նվիրված է Արամ Խաչատրյանի 120-ամյա հոբելյանին։
Հայաստանում NETFLIX-ի համար ֆիլմեր ու սերիալներ կնկարահանվեն
Հայաստանում NETFLIX-ի համար ֆիլմեր ու սերիալներ կնկարահանվեն։
Գյումրու դարբնության ավանդույթը ՅՈՒՆԵՍԿՕ-ի ոչ նյութական մշակութային ժառանգության ներկայացուցչական ցանկում է
Դարբին Գարիկն ասում է, թե իրեն հարցնեն Գյումրու դարբնության ավանդույթում ինչն է ամենակարևորը, երևի կպատասխանի, որ․ «Ամեն գործդ կմտածես ընպես սարքես, որ բոլորի դուրն էլ գա, բայց առաջինը քո դուրը գա։ Էս գործը հա՛մ արհեստ է, հա՛մ արվեստ է, մենակ ուժով չի, պետք ա ուղեղ էլ ունենաս ու սիրտ»։
ՅՈՒՆԵՍԿՕ-ն կաջակցի Տաթևի և Մեծ անապատ վանական համալիրների եռաչափ լազերային սկանավորմանն ու թվայնացմանը
ՅՈՒՆԵՍԿՕ-ի կողմից հաստատված դրամաշնորհը կազմում է շուրջ 55․000 ԱՄՆ դոլար, որով նախատեսվում է իրականացնել Տաթևի և Տաթևի Մեծ անապատ վանական համալիրների կազմի մեջ մտնող բոլոր կառույցների, ենթահուշարձանների եռաչափ լազերային սկանավորում և մանրամասն թվայնացում, կառավարման և ռիսկերի նվազեցման համապատասխան ծրագրերի կազմում, միջազգային փորձագետների խորհրդատվություն, պետական հաշվառման փաստաթղթերի լրամշակում, որոնց հիման վրա կպատրաստվի և ՅՈՒՆԵՍԿՕ կներկայացվի հուշարձանախումբը «Զինված հակամարտությունների պայմաններում մշակութային արժեքների պաշտպանության կոնվենցիա»-ի հովանու ներքո առնելու հայտը։
45 տարի անց Գյումրիում ցուցադրության են ներկայացվել Մինաս Ավետիսյանի գործերը
45 տարի անց Գյումրիում ցուցադրության են ներկայացվել ՀՀ վաստակավոր նկարիչ Մինաս Ավետիսյանի գործերը։
