«Ես պատրաստվում եմ շատ կարևոր հայտարարություն անել երեքշաբթի օրը՝ նոյեմբերի 15-ին, Մար-օ-Լագոյում, Ֆլորիդայի Փալմ-Բիչում»,- նշել է նա:

Ավելի վաղ CNN-ը՝ վկայակոչելով երեք աղբյուրների, հայտնել էր, որ Թրամփը «ակտիվորեն քննարկում էր» 2024 թվականի ընտրություններին իր մասնակցության մասին երկուշաբթի օրը կայանալիք իր կողմնակիցների հանրահավաքում պաշտոնապես հայտարարելու հնարավորությունը։
Հեռուստաալիքի տվյալներով՝ Թրամփն այսպիսով ցանկանում է իրեն նախապես վերագրել Հանրապետական ​​կուսակցության հաղթանակը, որն ակնկալվում է երեքշաբթի օրը նախատեսված Կոնգրեսի միջանկյալ ընտրությունների արդյունքներով։
Սպասվում էր, որ Թրամփը պաշտոնական հայտարարություն կանի միջանկյալ ընտրություններից հետո, բայց մինչև նոյեմբերի վերջ։

Նշենք, որ երեքշաբթի օրը ամերիկացիներն ընտրում են Ներկայացուցիչների պալատի ողջ կազմը և Կոնգրեսի մեկ երրորդը: Ըստ հարցումների՝ հաջողություն են կանխատեսվում հանրապետականների համար, որոնք վերջին երկու տարիներին փոքրամասնություն են կազմում երկու պալատներում: