Երևան օփեն շախմատի մրցաշարում առաջին տեղը կիսել են Մամիկոն Ղարիբյանը և Սերգեյ Լոբանովը
«Երևան օփեն» շախմատի միջազգային 4-րդ մրցաշարի ամփոփիչ միջոցառմանը ներկա են եղել ՀՀ ԿԳՄՍ նախարար Վահրամ Դումանյանը և Երևանի շախմատի ֆեդերացիայի նախագահ Մխիթար Հայրապետյանը:
Մրցաշարում առաջին տեղը կիսել են Հայաստանը ներկայացնող 18-ամյա Մամիկոն Ղարիբյանը՝ 9 հնարավորից վաստակելով 7 միավոր, և ռուս շախմատիստ Սերգեյ Լոբանովը՝ նույնքան միավորով: Լոբանովը լրացուցիչ ցուցանիշով դարձել է մրցաշարի հաղթող։
Շնորհավորելով հաղթողներին` ԿԳՄՍ նախարար Վահրամ Դումանյանը կարևորել է մեր երկրում նմանօրինակ մրցաշարերի կազմակերպումը և հավաստիացրել՝ ԿԳՄՍ նախարարությունը մշտապես կանգնելու է հաջողված նախագծերի կողքին:
«Հայաստանը շախմատային կայսրություն է, և ամեն բան պետք է անենք՝ մեր շախմատային տերությունն ավելի հզորացնելու և նմանօրինակ միջոցառումների շարունակականությունն ապահովելու համար»,- նշել է Վահրամ Դումանյանը` փաստելով, որ «Երևան օփեն» շախմատի միջազգային 4-րդ մրցաշարը հաջողված էր:
Երևանի շախմատի ֆեդերացիայի նախագահ Մխիթար Հայրապետյանի խոսքով՝ այս մրցաշարը պատանի շախմատիստների համար անգնահատելի փորձ ստանալու լավագույն հարթակներից մեկն է, որն աստիճանաբար իր ուրույն տեղն է գրավում միջազգային շախմատային օրացույցում: Ըստ նրա` հատկանշական է, որ «Երևան օփեն» մրցաշարն արժանացել է շախմատի միջազգային հանրության դրական արձագանքին:
Տեղեկացնենք, որ մրցաշարում միանգամից 9 շախմատիստներ վաստակել են 6.5 միավոր, սակայն լրացուցիչ արդյունքներով 3-րդ մրցանակին արժանացել է Իրանը ներկայացնող Ամիրեզա Փուրամեզանային:
Բ խմբում կանանց պայքարում լավագույն արդյունքը ցույց են տվել Նվարդ Հայրապետյանն ու Մարիամ Խաչատրյանը՝ համապատասխանաբար 7 և 5.5 միավորներով:
Մ-10 տարեկանների խմբում 6 միավորով լավագույնը Տիգրան Համբարձումյանն է: Բ խմբում լավագույնն Էդգար Բրուտյանի արդյունքն է՝ 8 միավոր: Եռյակում են նաև Արամ Պլուզյանն ու Մարկ Բասենցյանը:
Ուժեղագույնների խմբում կանանց շրջանում լավագույն 2 արդյունքները Պրիյանկայինն ու Օլգա Պետրուխինայինն էին: Ուժեղագույնների խմբի լավագույն տասնյակում են հայտնվել Կլեմենտի Սիչևը, Քրիստոֆ Սոշակին, Գուպտա Սանկալպը, Փուր Աղա Բալա Ամիրեզան, Արման Հակեմին, Ալեքսեյ Գոգանովն ու Դավիթ Պառավյանը:
Մ-2300 վարկանիշ ունեցողների շրջանում հաղթել ու մրցանակի է արժանացել Ալեքսա Սահակյանը:
50-ից բարձր տարիքի մասնակիցների ցանկում 5.5 միավորով լավագույնը լեգենդար գրոսմայստեր Ռաֆայել Վահանյանն է, ում պարգևատրել է ԿԳՄՍ նախարար Վահրամ Դումանյանը:
«Ինձ համար մեծ պատիվ էր այսօր պարգևատրել մեր լեգենդար շախմատիստ Ռաֆայել Վահանյանին, որին հետևել եմ դեռ պատանեկության տարիներից»,- պարգևը հանձնելիս նշել է նախարարը:
Մրցաշարի առաջին համար Սամվել Տեր-Սահակյանը 6.5 միավորով գրավել է 11-րդ տեղը: Տիգրան Պետրոսյանն էլ 6 միավորով 13-րդն է:
«Երևան օփեն» մրցաշարին այս տարի մասնակցել է շուրջ 300 շախմատիստ, որի շրջանակում առաջին տեղը գրաված Մամիկոն Ղարիբյանը լրացրել է գրոսմայստերի նորման:
Նշենք, որ «Երևան օփեն» շախմատի միջազգային մրցաշարն անցկացվում է Երևանի շախմատի ֆեդերացիայի նախաձեռնությամբ և ՀՀ ԿԳՄՍ նախարարության ու Երևանի քաղաքապետարանի աջակցությամբ:
Նմանատիպ Լուրեր
ԱՄՆ ևս 14 նահանգ հետևել է Կոլորադոյի օրինակին և արգելել Թրամփին մասնակցելու ԱՄՆ նախագահի ընտրություններին
Նախօրեին հայտնի է դարձել, որ Կոլորադոյի Գերագույն դատարանն արգելել է Դոնալդ Թրամփին մասնակցել փրայմերիզներին։
«Աշխատանքները նախ կսկսվեն Հայաստանի հետ»․ Իրան-ԵԱՏՄ ազատ առևտրի համաձայնագրի ստորագրումը՝ օրեր անց
Դեկտեմբերի 25-ին կստորագրվի Իրան-ԵԱՏՄ ազատ առևտրի համաձայնագիրը։ Իրանական կողմի փոխանցմամբ՝ արտոնությունների հետ կապված աշխատանքները նախ կսկսվեն Հայաստանի հետ։ Փոխադարձ առևտրում մաքսատուրքից կազատվեն ՀՀ–ից Իրան արտահանման առաջնային հետաքրություն ներկայացնող ապրանքները։
Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները կանեն․ «Բժիշկներ առանց սահմանների» կազմակերպություն
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը», Իսպանիայում հայտարարել է հասարակական կազմակերպության գլխավոր տնօրեն Մարտա Կանյասը։
ԱՄՆ-ն ընդլայնել է ռուսական ընկերությունների դեմ պատժամիջոցները
ԱՄՆ-ն ընդլայնել է պատժամիջոցները ռուսական չորս ընկերությունների և նավթամթերք տեղափոխող տանկերի նկատմամբ:
ԱՄՆ-Թուրքիա հարաբերությունները դժգոհություն են առաջացրել հունական կողմում
Հունաստան-Ամերիկա առաջնորդության խորհրդի գործադիր տնօրեն Էնդի Զեմենդիեսը թուրք-հունական հարաբերություններում նկատվող դրական դինամիկայի ֆոնին բողոք պարունակող նամակ է ուղարկել ԱՄՆ-ի պետքարտուղարություն։
Մակրոնը միգրացիայի մասին աղմկահարույց օրենքն ուղարկում է Սահմանադրական խորհուրդ
Ֆրանսիայի Ազգային ժողովի (խորհրդարանի ստորին պալատ) կողմից դեկտեմբերի 19-ին ընդունված ներգաղթի կանոնները խստացնելու մասին օրինագիծը նախագահ Էմանուել Մակրոնի որոշմամբ կներկայացվի Սահմանադրական խորհրդի հաստատմանը։ «Արմենպրես»-ի փոխանցմամբ՝ այս մասին նախարարների խորհրդի նիստից հետո ճեպազրույցում ասել է նախարարների կաբինետի պաշտոնական ներկայացուցիչ Օլիվյե Վերանը։
