Իրանը չի ընդունի միջազգային սահմանների որևէ փոփոխություն
Khane Mellat-ին տված հարցազրույցում, Սեյեդ Մոհամմեդ Ռեզա Միրթաջ ալ-Դինին, անդրադառնալով Ադրբեջանի ու Հայաստանի տարաձայնություններին և Իրանի դերին այս խնդրի լուծման հարցում, ասել է. «Իրանը երկու երկրների հարևանն է և նրանց հետ ունի բազմաթիվ կրոնական և մշակութային ընդհանրություններ: Հետևաբար մենք դեմ ենք հարևան երկրներում անապահովությանը։ Երկու երկրների հետ Իրանի կապերը կարող են օգնել լուծել ծագած տարաձայնություններն ու խնդիրները, և Թեհրանը կարող է արդյունավետ գործողություններ ձեռնարկել այս ուղղությամբ»:
Իրանի իսլամական խորհրդարանում Թավրիզի պատգամավորն ասել է. «Տարածաշրջանում և երկու հարևան երկրներում օտարերկրացիների ռազմական ներկայությունը գաղտնի կամ բացահայտ, անընդունելի է: Երկու երկրները պետք է ուշադրություն դարձնեն այս կետին և խնդիրները լուծեն երկխոսության միջոցով»:
Նա հավելել է, որ Իրանը գործում է իր հնարավորությունների սահմաններում՝ լուծելու խնդիրները, հավելելով. «Միջազգային սահմանները չպետք է փոխվեն: Այդ սահմանները պատմական են և հաստատուն են մի քանի դար: Իրանը չի ընդունի սահմանների որևէ փոփոխություն»:
parstoday.com