«Հայաստանը Ռուսաստանից ակնկալում է բազմաթիվ հարցերի պատասխաններ». Միրզոյանը Լավրովին
«Հայաստանը Ռուսաստանից ակնկալում է բազմաթիվ հարցերի պատասխաններ»
Հայաստանի և Ռուսաստանի ԱԳ նախարարների հանդիպման ժամանակ նախարար Արարատ Միրզոյանն իր գործընկեր Սերգեյ Լավրովին ասել է, որ Հայաստանը բազմաթիվ հարցեր ունի, որոնց պատասխանները Երևանը ցանկանում է լսել Մոսկվայից։
«Հայկական կողմը հավատարիմ է
Հայաստանի, Ռուսաստանի և Ադրբեջանի ղեկավարների մակարդակով եռակողմ հայտարարություններին։ Սակայն դրան զուգահեռ նկատվում է Ադրբեջանի ախորժակների աճ։ Եվ խոսքը ոչ միայն Լեռնային Ղարաբաղի, այլեւ Հայաստանի ինքնիշխան տարածքի մասին է։ Այս առումով Հայաստանը հստակ արձագանք է ակնկալում իր դաշնակից Ռուսաստանից»,- ասաց Միրզոյանը՝ հավելելով, որ շատ երկրներ միջնորդություն են առաջարկում, բայց Հայաստանը ցանկանում է զգալ Ռուսաստանի թիկունքը։
Միաժամանակ Միրզոյանը հավելեց, որ ՄԱԿ-ի անդամ որոշ երկրների արձագանքը, որոնց հետ Երևանը բարեկամության այդքան երկար պատմություն չունի, Ադրբեջանի ագրեսիային արձագանքեցին ավելի հստակ հայտարարություններով, քան Ռուսաստանը։
Եվրամիությունը որոշել է առաքելություն ուղարկել Հայաստանի և Ադրբեջանի սահման՝ հավելել է Միրզոյան
«Ֆրանսիայի նախագահ Էմանուել Մակրոնի և ԵՄ ներկայացուցիչ Շառլ Միշելի նախաձեռնությամբ Պրահայում հանդիպում է եղել, որտեղ պատրաստակամություն է ձեռք բերվել, որ ԵՄ առաքելությունը կայցելի Հայաստան՝ փաստերը պարզելու, հետո, հավանաբար, զեկույց կունենան։
Հենց նոր տեղեկացա, որ կարծես թե ԵՄ-ն արդեն որոշում ունի նման փաստահավաք առաքելություն ուղարկելու մասին». ԱԳ նախարար Արարատ Միրզոյանը Աստանայում Սերգեյ Լավրովի հետ հանդիպմանը. – Արմ Լnւր
Նմանատիպ Լուրեր
