Նոր սկանդալ . Շվեդիայի պետական հեռուստաընկերությունը Էրդողանին ծաղրել է .Շվեդիայի դեսպանը կանչվել է Թուրքիայի ԱԳՆ
Շվեդիայի պետական հեռուստատեսությամբ սկանդալային հաղորդում է հեռարձակվել, որտեղ Թուրքիայի նախագահ ռեջեփ Թայիփ Էրդողանի հասցեին հնչել քնքննադատական խոսքեր, ինչն էլ պատճառ է դարձել նոր սկանդալի Թուրքիայի ու Շվեդիայի միջև:
«Էրդողան, դու կարծում ես, որ դու նոր ժամանակաշրջանի սուլթանն ես: Դու Շվեդիայից պահանջում ես արտահանձնել քո հակառակորդներին և քո դեմ դուրս եկողներին: Դու նրանցից ցանկանում ես ազատվել, որովհետև նրանցից վախենում ես»-, ասվել է հաղորդման ժամանակ:
Սկանդալային հայտարարություններից հետո Անկարայում Շվեդիայի դեսպանը կանչվել է արտաքին գործերի նախարարություն։ Շվեդիայի դեսպանին ասվել է, որ Անկարայի համար անընդունելի է նախագահ Էրդողանի և Թուրքիայի դեմ վերոնշյալ արտահայտությունները:
Հիշեցնենք, որ այս տարվա հունիսին Մադրիդում կայացած բանակցություններից հետո Թուրքիան համաձայնել էր աջակցել Շվեդիայի ու Ֆինլանդիայի անդամակցությանը ՆԱՏՕ-ին՝ առաջ քաշելով մի շարք պահանջներ:
Վերջերս էլ Շվեդիայի Ազգային ռազմ-ավարական արտադրանքի վերահսկողական տեսչությունը (ISP) հայտարարություն էր տարածել, որի համաձայն՝ պաշտոնական Ստոկհոլմը վերացրել է 2019թ-ից ի վեր Թուրքիայի նկատմամբ սահմանված զենքի արտահանման էմբարգոն: