Անցած ուրբաթ Ագարակից Մեղրիի համայնքապետարան գնալիս ստուգել են նաեւ համայնքապետի   տեղակալի փաստաթղթերը։ Սյունիքի մեր թղթակից Արմեն Դավթյանն է զրուցել Մեղրի համայնքի ղեկավարի տեղակալ Խաչատուր Անդրեասյանի հետ։

-Պարոն Անդրեասյան, լրատվամիջոցները լուրեր են տարածել, որ Ագարակից Մեղրի գնացողներին ռուս սահմնապահները ստուգում են։ Ի՞նչ կասեք այս մասին։

-Այսօր նման դեպք չի արձանգարվել, որ ստուգեն։ Բայց հաճախակի ստւգումներ լինում են։ Փակում են ճանապարհը, ստուգում են անձնագիրը, վարորդների մոտ եթե միայն վարորդական իրավունքն է լինում, դա էլ են համարում անձը հաստատող փաստաթուղթ եւ թողնում են։ Տենց ոչ մի արտառոց  բան չկա։

-Իսկ պատճառը ո՞րն է ստուգումների։  Տեղյակ եմ, որ անցած շաբաթ Ձեզ էլ են ստուգել։

-Պատճառն ինձ չեն հայտնել։ Ես հարցրել եմ, ասել են՝ պետք է, ստուգում ենք։ Կոնկրետ ոչ մի բան ինձ չեն ասել, որ ձեզ հաղորդեմ։

-Իսկ խոչընդոտներ չե՞ն ստեղծվում։

-Չէ, ոչ մի խոչընդոտ չկա, ուղղակի էդ մի փոքր ստուգումն է, ժամանակի  որոշակի խնդիրն է ու վերջ։

armradio.am