Փաստորեն խորհրդարանական ըմդիմությանը թվում է, թե իրենք դեռ «ողջ» են։ Ընկերներ, սխալվում եք, դուք վաղուց «ողջ» չեք, դուք, ձեր համախմբով մեռելածին եք (կներեք իհարկե բժշկական տերմինոլոգիայի համար)։ Ու սա չեմ ասում չարախնդալու համար, այլ ասում եմ ցավով, քանի որ ցանկացած երկրի համար առողջ ու չմեռած ընդդիմություն ունենալը կենսական է։

Ուրեմն մեր «մեռած» ընդդիմությունը ողբերգության վրա դիվիդենտ շահելու գործը որոշել է շարունակել։ Մենք բոլորս իհարկե հիշում ենք բայրաքթարային ձեր փիառները ու երբեք չենք մոռանալու ձեր բարոյական անդունդը, բայց միթե՞ չեք հասկացել, որ նոր ողբերգությունները շահարկելը միայն ու միայն ձեր անբարոյական դեմքն են ցույց տալու։ Միթե՞ այդ պարզ ճշմարտությունը հասու չէ ձեզ։

Երեկ, անբարո շահարկումը լսելուն պես զանգահարել եմ Արագածոտնի մարզի առողջապահական մեր պատասխանատուներին, որպեսզի պարզեմ թե ինչպես են իրենց զգում մեր վիրավոր համաքաղաքացիները, նաև փորձել եմ պարզել դեպքի մանրամասները, քանի որ ներքին համոզմունք ունեի, որ անբարո շահարկման մեջ նշված մեր գործընկերները չէին կարող մասնակից լինլ տվյալ ողբերգությանը։

Բայց մեր իրապես «մեռած», նույնիսկ «սատկած» ընդդիմության համար դա կարևոր չէր, կարևոր էր իրենց հոգեվարքը ևս մի փոքր շարունակելը։ Հոգեվարքը այդ սակայն, չէր «փրկելու» իրենց, քանզի «մեռելածին» էին նրանք, «մեռելածին»։

Հ.Գ. ցավակցում եմ զոհված մեր համաքաղաքացիների հարազատներին և տոկունություն եմ մաղթում նրանց, իսկ իրավապահ համակարգից ակնկալում և պահանջում դժբախտ պատահարի լիակատար բացահայտում և օրենքի ողջ խստությամբ արդարադատության իրականացում։