Իրանի դեսպանը հանդիպել է Հայաստանի Բարձրագույն դատական խորհրդի նախագահի պաշտոնակատարի հետ
ԻՌՆԱ-ի հաղորդման համաձայն, Հայաստանում Իրանի դեսպան Աբբաս Բադախշան Զոհորին հանդիպել է Հայաստանի Բարձրագույն դատական խորհրդի նախագահի պաշտոնակատար Գագիկ Ջահանգիրյանի հետ։
Հանդիպման ընթացքում քննարկվել են դատական համակարգում երկկողմ հարաբերություններին առնչվող հարցեր։
Հանդիպման ընթացքում ՀՀ-ում Իրանի դեսպանը կարևորել է երկու երկրների միջև համագործակցության հուշագրի ստորագրումը և երկու երկրների միջև պատվիրակությունների փոխանակման արագացման անհրաժեշտությունը և հույս հայտնել, որ երկու երկրների միջև համագործակցությունը կխորանա։
Հայաստանի Բարձրագույն դատական խորհրդի նախագահի պաշտոնակատարն Իրանի Իսլամական Հանրապետության դատական իշխանության ներկայացուցիչներին հրավիրել է այցելել Հայաստան և ստորագրել համագործակցության և փոխօգնության հուշագիր։