Իրանի հարավային ջրերում մեկնարկել է «Զոլֆաղար 1400» համատեղ զորավարժությունը
Իրանում մեկնարկել է ԻԻՀ բանակի «Զոլֆաղար 1400» համատեղ զորավարժությունը:
IRNA-ի հաղորդման համաձայն Իրանի հարավՊառսից ծոցում և Օմանի ծովում, Մաքրանի ափերին, այսօր մեկնարկել են ԻԻՀ բանակի «Զոլֆաղար 1400» համատեղ զորավարժության հիմնական փուլերը՝ բանակի հետևակային, զրահատեխնիկական և մեքենայացված ստորաբաժանումների, հակաօդային պաշտպանության համակարգերի, ռազմածովային ուժերի նավերի և սուզանավերի, օդուժի կործանիչների ու ԱԹՍ-ների ամսնակցությամբ:
«Զոլֆաղար 1400» համատեղ զորավարժությունների խոսնակ, ծովակալ Սեյեդ Մահմուդ Մուսավին ասել է. «Հարձակվող ուժերի էլեկտրոնային, ազդանշանային և հակաէլեկտրոնային տեղեկատվության հավաքագրման օպերացիան հաջողությամբ իրականացվել է իրանական տարբեր հետախուզական անօդաչու թռչող սարքերով՝ վերահսկման համակարգերի և մարտավարական և առափնյա ստորաբաժանումների նավիգացիայի միջոցով»։
Ծովակալ Մուսավին նշել է, որ Արևմտյան Ասիայի տարածաշրջանում անվտանգության հաստատումը հնարավոր է տարածաշրջանի երկրների ուժի և միասնության շնորհիվ, հավելելով. «ԻԻՀ բանակի «Զոլֆաղար 1400» համատեղ զորավարժության ուղերձը տարածաշրջանի երկրներին խաղաղություն և բարեկամություն հաստատելու պատրաստակամությունն է՝ հիմնված ներտարածաշրջանային հնարավորությունների վրա, քանի որ պատմությունն ապացուցել է, որ տարածաշրջանից դուրս երկրները եղել են ռազմատենչ և անապահով դերակատարներ՝ որոնք իրեցն հետ բերել են անապահովություն, պատերազմ և օկուպացիա»:
Նմանատիպ Լուրեր
