Ռայիսի. «Պատժամիջոցների ստեղծած հնարավորությունից լավագույնս օգտվել է ռազմարդյունաբերությունը
Իրանի Իսլամական Հանրապետության նախագահ Սեյյեդ Էբրահիմ Ռայիսին, երկուշաբթի օրն Իսլամական Հանրապետության հիմնադիր Իմամ Խոմեյնիի սրբավայրում կայացած Բանակի օրվա շքերթի ժամանակ հայտարարել է. «Իրանի Իսլամական Հանրապետության զինված ուժերը բազմաթիվ հնարավորություններ ունեն։ Ամենակարևոր կարողությունը անկեղծ ծառայողներն են, որոնք պատրաստ են ռիսկի դիմել և դիմակայել ցանկացած թշնամուն»:
Նշելով, որ բանակն օգտագործել է պատժամիջոցների հնարավորությունը՝ ավելացնելու իր հնարավորությունները, Ռայիսին հավելել է. «Պատժամիջոցների ստեղծած հնարավորությունից լավագույնս օգտվել է ռազմարդյունաբերությունը, իսկ բանակն ավելացրել է իր հնարավորությունները»։
parstoday.com․-ի հաղորդման համաձայն, Իրանի Իսլամական Հանրապետության նախագահն ընդգծել է, որ այսօր Իրանի Իսլամական Հանրապետության բանակը լավ զինված ու պատրաստ ուժ է, որը կարող է պաշտպանելու երկիրը և համակարգը: Նա նշել է. «Այս պատրաստակամության ուղերձը իսլամական հեղափոխության հետևորդների հույսի պատգամն է: Թշնամին պետք է իմանա նաև, որ Իրանի զինված ուժերի հզորությունը զսպող ուժ է, և այս հեղինակության, ուժի և տոկունության ուղերձն աշխարհի բոլոր զրկվածներին և ճնշվածներին այն է, որ Իրանի զինված ուժերն իրենց հույսի կետն են»: