ՀՀ-ն, որը պատերազմում տուժել է ահաբեկիչներից, երբեք չի նպաստի ՀՀ-ով նրանց տեղափոխմանը Ուկրաինա. Նիկոլ Փաշինյան
Վարչապետ Նիկոլ Փաշինյանը, թվիթերյան իր միկրոբլոգում անդրադառնալով թշնամի երկրների տարածած այն թեզին, թե ՀՀ տարածքով Ուկրաինա վարձկան ահաբեկիչներն են տեղափոխվում, գրել է․
«Հասկանալի է, որ Հայաստանը, որը երկու տարի առաջ ԼՂ պատերազմին տուժել է ահաբեկիչ վարձկանների մասնակցությունից, երբեք չի նպաստի Հայաստանի տարածքով օտարերկրյա ահաբեկիչ-մարտիկների տեղափոխմանը Ուկրաինա»։
Նա նաև նշել է, որ ադրբեջանական աղբյուրների կողմից շրջանառվող և արևմտյան աշխարհում լայնորեն տարածված աղաղակող ապատեղեկատվությունը, թե իբր Հայաստանը Ռուսաստանին ՍՈՒ-եր է տրամադրել Ուկրաինայում օգտագործելու համար, կեղծ լուրեր են։
«Մեր ՍՈՒ-երը Հայաստան ներկրվելու օրվանից երբեք դուրս չեն եկել մեր երկրի սահմաններից»,-նշել է նա։
Այդ համատեքստում վարչապետը հիշեցրեց, որ Ադրբեջանը աղաղակող ապատեղեկատվություն է տարածում, թե իբր Հայաստանն իր բազմաֆունկցիոնալ ինքնաթիռները տրամադրել է Ռուսաստանին Ուկրաինայում օգտագործելու համար. «Մեր Սու-երը մեր երկրի սահմանները ոչ մի անգամ չեն լքել»:
Նիկոլ Փաշինյանը՝ պարզաբանելով ՀՀ Անվտանգության խորհրդի հայտարարությունը, և հավելեց, որ Ադրբեջանը հանրային հարթակ է նետում թեզեր, առաջարկություններ, ապա Հայաստանին մեղադրում այդ թեզերին, առաջարկներին կամ մեկնաբանություններին չարձագանքելու կամ ապակառուցողական կերպով արձագանքելու համար, այնուհետև Հայաստանին վերագրում է ինչ-որ խոստումներ, բանահյուսում ինչ-որ պայմանավորվածություններ:
Վարչապետի խոսքով՝ ակնհայտ է, որ Ադրբեջանն իր բազմիցս կրկնվող գործելակերպով փորձում է Լեռնային Ղարաբաղի և Հայաստանի դեմ լայնամասշտաբ պատերազմի լեգիտիմություն ձևավորել: «Իմ այսօրվա նպատակը այդ խոսույթի անհիմն և ոչ լեգիտիմ լինելը ի ցույց դնելն է»,- ասաց Նիկոլ Փաշինյանը:
Նմանատիպ Լուրեր
