«Varieties of Democracy (V-Dem)» ինստիտուտը հրապարակել է 2022 թվականի ժողովրդավարության զեկույցը աշխարհում և շատ կարևոր արձանագրում է տեղի ունեցել ՀՀ -ի համար: Այս մասին այսօր կառավարության հերթական նիստին արձանագրեց ՀՀ վարչապետ Նիկոլ Փաշինյանը:
«Մեր երկրի պատմության մեջ առաջին անգամ ՀՀ-ն բնորոշվում է ոչ թե ընտրական ավտորիտարիզմ տերմինով, այլ բնորոշվում է որպես ընտրական ժողովրդավարություն: Սա, ըստ էության, նշանակում է, որ ժողովրդավարության առումով դասակարգման փոփոխություն է տեղի ունեցել, և նույնիսկ 2018 թվականի ոչ բռնի, թավշյա ժողովրդավարական հեղափոխությունից հետո այս կազմակերպությունը շարունակում էր Հայաստանը դիտարկել որպես ընտրական ավտորիտար համակարգ ուենցող երկիր: Եթե շատ պարզ ձևակերպենք, կարող ենք արձանագրել, որ նաև 2021 թվականին Հայաստանում տեղի ունեցած արտահերթ խորհրդարանական ընտրություններով Հայաստանի Հանրապետությունը մուտք է գործել ժողովրդավարական երկրների, պայմանական ասած, բարձրագույն լիգա»,- ասաց նա:
Նիկոլ Փաշինյանը նկատեց, որ իհարկե սա չի նշանակում, որ մեր երկրում ժողովրդավարությունը կատարյալ է կամ անթերի, պարզապես տարբեր դրվագների հանրագումարով ստացել ենք այսպիսի դասակարգում, ինչը հիշատակության արժանի է:
«Ժողովրդավարությունը մեզ համար առաջնահերթություն է, և մեր կառավարությունը հանձնառու է ՀՀ-ում կայացնել և զարգացնել ժողովրդավարական ինստիտուտները: Մենք այդ բարձրագույն լիգայում պետք է ամեն տարի փորձենք ավելի բարձր տեղեր զբաղեցնել և երկրորդը՝ այս ցուցանիշները պետք է կարողանանք կապիտալիզացնել ՀՀ-ի օրակարգի հարցերի սպասարկման համար՝ սկսած տնտեսությունից՝ վերջացրած անվտանգությամբ»,- ասաց նա և ներդրումների համար այս ցուցանիշը ևս կարևոր համարեց:
araratnews.am