Սուրբ Ստեփանոս վանական համալիրը Իրանում
Սուրբ Ստեփանոս վանական համալիրը գտնվում է Իրանի հյուսիսում, Ջուղա քաղաքից 16 կմ հարավ-արևմուտք, ծովի մակերևույթից 890 մետր բարձրության վրա, Դարաշամբ բնակավայրում:
Սուրբ Ստեփանոս վանական համալիրը գտնվում է Իրանի հյուսիսում, Ջուղա քաղաքից 16 կմ հարավ-արևմուտք, ծովի մակերևույթից 890 մետր բարձրության վրա, Դարաշամբ բնակավայրում: Կառուցվել է 1655 թվականին՝ շահ Աբբաս երկրորդ Սեֆիի ժամանակ։
Վանքը կրում է քրիստոնեության առաջին նահատակ Սուրբ Ստեփանոսի անունը, ով մեր թվարկության առաջին դարում քարկոծվել է հակառակորդների կողմից ու նահատակվել ։
Ըստ հայ պատմաբանների վկայության, Սուրբ Ստեփանոս վանական համալիրը հիմնադրել է Քրիստոսի 12 աշակերտներից Բարդուղիմեոս առաքյալը։
Ուշ միջնադարի հայ ճարտարապետության մեջ Ս. Ստեփանոս եկեղեցին առանձնանում է իր գեղեցիկ հարդարանքով:
Սուրբ Ստեփանոս Նախավկայի վանքը գտնվում է Իրանի արևելյան Ատրպատական նահանգում, Ջուլֆա քաղաքից 16 կիլոմետր հեռավորության վրա՝ Արաքս գետի հարավային ափին գտնվող, այժմ լքված Դարաշամբ գյուղից մոտ մեկ կիլոմետր դեպի արևելք: Ըստ XII դ. ասորի ժամանակագիր Միքայել Ասորու,Վանքը հիմնադրել է Բարդուղիմեոս առաքյալը:
Դարաշամբի Սուրբ Ստեփանոս Նախավկայի վանքի բազմաթիվ և բազմազան պատկերաքանդակներն իրենց գեղարվեստական բարձր արժանիքների ու ինքնատիպ առանձնահատկությունների շնորհիվ դասվում են ուշ միջնադարի հայկական արվեստի գլուխգործոցների շարքին:
Իրանի Մշակութային ժառանգության կազմակերպության ''Իրանի պատմական եկեղեցիների կենտրոնի'' ջանքերով՝ ամբողջությամբ վերականգնվել է Սուրբ Ստեփանոս Նախավկայի Վանքը:
Սուրբ ստեփանոս վանքը 2008թ. ՅՈՒՆԵՍԿՕ-ի կողմից ընդգրկվել է համաշխարհային մշակութային ժառանգության օբյեկտների ցանկում: Սուրբ Ստեփանոս վանական համալիրը և Սուրբ Թադեի վանքը մեծ նշանակություն ունեն իրանահայության համար:
Նմանատիպ Լուրեր
