Սա ՄԱԿ ԱԽ բանաձև ներկայացնելուց առաջ ակցիա է․ Փարիզը ինքնաբուխ քայլի կդիմի՝ առանց Հայաստանի
Եթե բեռները թույլ չտան ներս մտնել, Փարիզը ինքնաբուխ կոշտ քաղաքականություն կիրականացնի՝ առանց Հայաստանի: «Առաջին լրատվական»-ի հետ զրույցում նշեց քաղաքագետ Գուրգեն Սիմոնյանը:
Քաղաքագետի խոսքով՝ սա ՄԱԿ ԱԽ բանաձև ներկայացնելուց առաջ ուշագրավ ակցիա է, Փարիզը ինքնաբուխ քայլի կդիմի․ «Փարիզի կողմից սա լուրջ քաղաքական հայտ է, որին հետաքրքիր է՝ ինչպես կպատասխանեն մեր թշնամիները: Ռուսները կարծում են՝ ամեն ինչ նախկինի նման է՝ Արցախը իրենց գրպանում է, հանձնում են: Ռուսների հեռահար նպատակը՝ Արցախը հանձնելով արցախահայերին էվակուացնել ՀՀ և ներքաղաքական սրացումներ հասունացնել»: Քաղաքագետը շեշտեց՝Արցախի համար պայքարը ՀՀ ազգային անվտանգությամբ պայմանավորված հարց է․ «Եթե թուրքին չկանգնեցնենք Արցախում, Սյունիքում դա անելը անհնար է լինելու: Սյունիքի կորստով ՀՀ ինքնիշխանությունը էրոզիայի կենթարկվի»: