Ալմաթիում ցուցարարները գրոհել են վարչակազմի շենքը
Ղազախստանի Ալմաթի քաղաքում զանգվածային բողոքի ցույցի մասնակիցները ներխուժել են քաղաքային ակիմատի (վարչակազմ) շենք՝ փորձելով գրավել այն։
Ինչպես դեպքի վայրից հայտնում է «Ինտերֆաքս-Ղազախստան» գործակալության թղթակիցը, շենքում ապակիներ են կոտրվել և ծուխ է հայտնվել։ Իրավապահները ամբոխին փորձում են հետ մղել ձայնային նռնակներով։ Հարձակվողները հազարից ավելի են։
Ղազախստանի Ակտոբե քաղաքի ոստիկանները հայտնել են, որ իրենք «ժողովրդի հետ են», հաղորդել է Orda.kz լրատվական պորտալը։
«Ակտոբեի ոստիկանությունն ասել է, որ իրենք ժողովրդի հետ են, ձեռք չեն բարձրացնի ժողովրդի վրա»,- նշված է հրապարակման մեջ։
Պորտալը հայտնում է նաև, որ «Ակտոբեում (Ղազախստանի արևմուտքում գտնվող Ակտոբեի շրջանի վարչական կենտրոնը) 1000 ցուցարարներ կանգնած են ակիմատի մոտ։ Նրանք կրակ են վառում՝ տաքանալու համար։ Ցուցարարները պահանջում են շրջանային ակիմից հեռանալ»։
lragir.am
Նմանատիպ Լուրեր
