Իրանում ԱԷԿ ղեկավարի ներկայությամբ բացվել է միջուկային բժշկության առաջին մանկական բուժկենտրոնը
Իրանի ատոմային էներգիայի կազմակերպության ղեկավար Սալեհիի ներկայությամբ, բացվել է միջուկային բժշկության առաջին մանկական մասնագիտացված բուժկենտրոնը:
Օգոստոսի 15-ին, Իրանի ատոմային էներգիայի կազմակերպության ղեկավար Ալի Աքբար Սալեհիի, մանկական բժշկական կենտրոնի հիվանդանոցի պատասխանատուների և Ատոմային էներգիայի կազմակերպության ղեկավարների ներկայությամբ, տեղի է ունեցել միջուկային բժշկության առաջին մանկական մասնագիտացված կենտրոնի բացումը:
Ալի Աքբար Սալեհին, անդրադառնալով հիվանդության հետևանքով ծանր պայմաններում հայտնված երեխաներին, ասել է. «Այս կենտրոնի բացմամբ, մենք ականատես ենք մեծ և կարևոր քայլի, որը կատարվել է դժվարին պայմաններում հայտնված երեխաների կարիքները հոգալու համար, և մենք պետք է արագ շարժվենք այս ուղղությամբ»:
Սալեհին հավելել է. « Իրանի ատոմային էներգիայի կազմակերպությունը նույնպես իր հնարավորությունների սահմաններում որոշակի աշխատանք է կատարել միջուկային բժշկության ոլորտում»:
Ըստ Սալեհիի. «Կազմակերպության առջև դրվել են բազմաթիվ նպատակներ, այդ թվում հասարակական առողջապահության ոլորտը, ինչպես օրինակ` ռադիոդեղամիջոցների արտադրությունը (Tetra նախագծի կառուցում. ռադիոդեղերի արտադրություն որպես GMP), ինչպես նաև իոնաթերապիայի հիվանդանոցի կառուցում, որը քաղցկեղի բուժման ոլորտում աշխարհի յոթերորդ մասնագիտացված հիվանդանոցն է»:
Նմանատիպ Լուրեր
