Ֆրանսիայի Սենատում Արցախի վերաբերյալ իրազեկման միջազգային խումբ է ստեղծվել (groupe d’information international), ֆեյսբուքի իր էջում գրել է Արցախի Հանրապետության տարածքային կառավարման և ենթակառուցվածքների նախարար Հայկ Խանումյանը։
«Այս գաղափարի շուրջ Սենատի մեծամասնության ղեկավար Բրունո Ռըտայոյի հետ զրուցել էի նոյեմբերին՝ Ֆրանսիա կատարած այցի ժամանակ։
Սենատորին շնորհակալություն էի հայտնել Արցախի Հանրապետության ճանաչման վերաբերյալ Սենատի բանաձևը նախաձեռնելու համար և առաջարկել Սենատում Արցախի վերաբերյալ պաշտոնական խումբ ստեղծել»,- գրել է Խանումյանը։
Ըստ Խանումյանի՝ Բ․Ռըտայոն թվիթերի գրառմամբ տեղեկացրել է, որ նման խումբն արդեն գոյություն ունի։
«Այս կարևոր իրադարձության առթիվ պետք է ընդգծենք Ֆրանսիայում Արցախի մշտական ներկայացուցչության աշխատանքի արդյունավետությունը»,-գրել է Արցախի Հանրապետության տարածքային կառավարման և ենթակառուցվածքների նախարարը։
Աղբյուր՝ armradio.am