Բաքուն պատրանք ունի Իրանին մեկուսացնել հյուսիս-հարավ տրանզիտային նախագծից, և կարծում է, որ դա կարող է փակել Իրանին Եվրոպայի ու Ռուսաստանի հետ կապող տարանցիկ ճանապարհը, Իրանի տնտեսական կոմունիկացիաները և խոչընդոտել արտաքին առևտրին:

Այսօր Իրանից տեխնիկական և ինժեներական պատվիրակություն է մեկնում Հայաստան` Իրանի Ճանապարհների և քաղաքաշինության նախարարի տեղակալ Խեյրոլլահ Խադեմիի գլխավորությամբ, մասնակցությամբ, Իրանի ենթակառույցների շինարարության և զարգացման կազմակերպության գործադիր տնօրենի մասնակցությամբ՝ քննարկելու համար Տաթևի ճանապարհի կառուցման գործընթացում Իրանի մասնակցությանը վերաբերող հարցեր:

Տաթևի ճանապարհի ավարտին մնացել է ընդամենը 15 կմ: Սա նշանակում է, որ Իրանը, շրջանցելով Ադրբեջանին, Հայաստանի միջոցով կկապվի Ռուսաստանի և Եվրոպայի հետ:

Նախատեսվում է, որ իրանական ինժեներա-տեխնիկական պատվիրակությունը կայցելի Հայաստանի նշված տրանսպորտային ուղիներ: Նախատեսվում է կարճ ժամկետում վերակարգավորել և ապահովել առկա ճանապարհի գործունեությունը, մինչև հիմնական ճանապարհի նախագիծը իրականություն դառնա:

Կարևոր է նշել, որ այս կապուղին Իրանի տնտեսական կոմունիկացիաների և տրանզիտ առևտրի համար՝ դեպի Եվրոպա տարանցման և Հնդկաստանն ու Չինաստանը Եվրոպայի հետ կապող կենսական նշանակություն ունեցող ուղիներից մեկն է, և անհրաժեշտ է այս կապուղին շեն և անվտանգ պահել:

Այդ իսկ պատճառով, Իրանը իր պատրաստակամությունն է հայտնել՝ մասնակցելու Հայաստանում Հյուսիս - Հարավ ճանապարհի հնարավորինս շուտ կառուցման և ավարտին հասցնելու գործընթացին:

Իրանի Իսլամական Հանրապետության Արտաքին գործերի Նախարար Ամիր Աբդուլահյանը Իրանի ազգային հեռուստաընկերության հաղորդումներից մեկի եթերում անդրադարձել է Անդրկովկասի վերջին իրադարձություներին, ասելով. «Մենք գեոպոլիտիկ հարցերի վերաբերյալ լրջորեն զգայուն ենք և Ադրբեջանի Հանրապետությանը հստակ փոխանցել ենք, որ Իրանի Իսլամական Հանրապետությունը ուշադիր հետևում է իրենց այս գործողություններին, և սահմանների որևէ փոփոխություն մեր համար անընդունելի է: Բայց իրականությունը այն է, որ այդ գործողությունների հետևում կանգնած են արտաքին խաղացողներ, սիոնիստներ և տեռորիստներ, որոնք նպատակ ունեն տարածաշրջանային անվտանգությունը խոցելի դարձնել: Մենք կփորձենք, որ Ադրբեջանը այդ թակարդի մեջ չընկնի և չդառնա մի երկիր և մի տարածք, որը սիոնիստների ու ահաբեկիչների համար որպես բազա ծառայի: Եվ նաև պետական սահմանները փոփոխությունների չենթարկվեն»:

Փորձագետ և գործարար Փույա Հոսեյնի

Հայաստան-Երևան