Մոսկվայում կայացել է Հարավային Կովկասում համագործակցության «3+3» ձևաչափի առաջին նիստը
ԻՌՆԱ-ի հաղորդման համաձայն, Իրանի, Ադրբեջանի, Հայաստանի, Ռուսաստանի և Թուրքիայի փոխարտգործնախարարների մասնակցությամբ, դեկտեմբերի 10-ին Մոսկվայում կայացել է կայացել է Հարավային Կովկասում համագործակցության «3+3» ձևաչափի առաջին նիստը:
Հանդիպմանն Իրանի կողմից մասնակցել են ԱԳ նախարարի Եվրասիայի հարցերով տեղակալ Ալիռեզա Հաղիղյանը և Մոսկվայում Իրանի դեսպանատան ներկայացուցիչներ։
Հանդիպման մասնակիցներն ընդգծել են «3+3» խմբի կողմից Հարավային Կովկասի հիմնախնդիրների տարածաշրջանային մակարդակով լուծման անհրաժեշտությունը։
ՌԴ ԱԳՆ պաշտոնական ներկայացուցիչ Մարիա Զախարովան ավելի վաղ հայտարարել էր, որ հարավկովկասյան տարածաշրջանի խնդիրների լուծման նպատակով ձևավորված Հարավային Կովկասում համագործակցության «3+3» ձևաչափիը՝ Իրանի, Հայաստանի, Վրաստանի, Ադրբեջանի, Ռուսաստանի և Թուրքիայի մասնակցությամբ, կարող է նպաստել տարածաշրջանում վստահության բարձրացմանը։