ԻՌՆԱ-ի հաղորդման համաձայն, Սեյյեդ Էբրահիմ Ռայիսին, հեռուստատեսությամբ ուղիղ հեռարձակված հարցազրույցում, անդրադարձել է Վիեննայի բանակցող կողմերին ճնշող պատժամիջոցների չեղարկման և  միջուկային հարցերի վերաբերյալ Իրանի ներկայացրած երկու փաստաթղթերին, նշելով. «Այսօր աշխարհին ապացուցվել է, որ Իրանը բանակցություններին մասնակցում է հեղինակությամբ և արժանապատվորեն»։

ԻԻՀ նախագահ Ռայիսին հայտարարել է, որ ճնշող պատժամիջոցների չեղարկումը Իրանի կառավարության առաջնահերթությունն է: Նա հավելել է, որ մինչ այժմ տարբեր երկրների ղեկավարների և պաշտոնյաների հետ անցկացրել է այդ կապակցությամբ  ավելի քան 100 հանդիպում և քննարկում՝  որոնց  ընթացքում ընդգծել է աշխարհի հետ սոցիալական, քաղաքական, մշակութային և տնտեսական կապերն ընդլայնելու Իսլամական Հանրապետության կամքը։

Նախագահ Ռայիսին անդրադարձել է նաեւ Տաջիկստան կատարած իր վերջին այցին, նշելով.«Այս այցից հետո երկու երկրների տնտեսական և առեւտրային հարաբերությունները եռապատկվել են»։

Անդրադառնալով ՇՀԿ գագաթնաժողովին և ԷԿՕ-ի գագաթնաժողովին իր ներկայությանն այաթոլլա Ռայիսին ասել է, որ երկու հանդիպումները Թեհրանի համար հնարավորություն են   հարևանների և տարածաշրջանի երկրների հետ հարաբերությունների ընդլայնման համար։

Իրանի Իսլամական Հանրապետության նախագահը հայտարարել է նաև հարեւան երկրների հետ մի քանի համաձայնագրերի ստորագրման մասին՝ հավելելով, որ այդ համաձայնագրերը շուտով կհրապարակվեն ԶԼՄ-ներում։