Ճապոնիայի արտգործնախարարի կայցելի Իրան
Ճապոնիայում Իրանի դեսպանատունը թվիթերյան իր միկրոբլոգում արած գրառման մեջ նշել է, որ նոր կառավարության ձևավորման շեմին, մոտ ապագայում Ճապոնիայի արտգործնախարար Մոտեգի Տոշիմիցուի այցը Թեհրան, կարող է նոր էջ բացել երկկողմ հարաբերությունների խորացման և ընդլայնման համար:
Տոկիոյում Իրանի դեսպանատունը երեքշաբթի օրն իր թվիթերյան միկրոբլոգում գրել է.«Այս այցը կարող է դառնալ նոր էջ՝ տարածաշրջանային և միջազգային կարևոր հարցերի շուրջ երկկողմ սերտ խորհրդակցությունների համար և հուսով ենք, որ այն առիթ կլինի՝ փոխադարձ հետաքրքրություն ներկայացնող հարցերի շուրջ կարծիքների փոխանակման համար»:
Ավելի վաղ, Ճապոնիայի հեռուստատեսությունը հաղորդել էր, որ Ճապոնիայի ԱԳ նախարար Մոտեգի Տոշիմիցուն նախատեսում է հաջորդ ամսվա սկզբին մեկնել Թեհրան՝ հանդիպելու Իրանի Իսլամական Հանրապետության նոր կառավարության բարձրաստիճան պաշտոնյաների հետ:
Նմանատիպ Լուրեր
